ఫస్ట్‌ లుక్‌: పూరి 'లోఫర్‌'ను దించాడు

నూతన మెగా హీరో మూడో సినిమా కొత్త లుక్‌ కూడా లైన్‌ లోకి వచ్చేసింది. అయితే ఈ సినిమా టైటిల్‌ ఏంటి అనేదే ఎప్పటినుండో అందరినీ ఊరిస్తున్న అంశం. చివరకు ఆ సస్పెన్సుపై తెరదించేశాడు పూరి జగన్‌. సినిమాను పేరును ప్రకటిస్తూ.. తొలి పోస్టర్లను కూడా విడుదల చేశాడు.

ఆ పేరు ఈ పేరూ చాలానే వినిపించాయి కాని.. చివరకు వరుణ్‌ తేజ్‌ కోసం ''లోఫర్‌'' అనే టైటిల్‌ నే ఓకె చేశాడు దర్శకుడు పూరి జగన్‌. అప్పటికే పూరి జగన్‌ ఆ టైటిల్‌ తో ఎంతో కన్విన్స్‌ చేసేసరికి ఇక అందరూ దానికే ఓకె చేప్పేశారట. సో.. మెగా క్యాంపు కూడా సిగ్నల్‌ ఇచ్చేశాక.. ఇప్పుడు పూరి అఫీషియల్‌ గా.. అది కూడా సడన్‌ గా.. లోఫర్‌ లుక్‌ ను రిలీజ్‌ చేశాడు. వరుణ్‌ తేజ్‌ ఈ సినిమాలో డ్యాషింగ్‌ కమర్షియల్‌ హీరోగా కనిపిస్తుంటే.. ఇక హీరోయిన్‌ దిషా పటాని చాలా హాటుగా తడసి ముద్దయిన అందాలను దారపోస్తోంది. మరో యాంగిల్‌ రేవతి ద్వారా మదర్‌ సెంటిమెంట్‌ కూడా బాగానే పండుతోంది. మొత్తానికి ఇదే వరుణ్‌ తొలి కమర్షియల్‌ సినిమా అనాలేమో.

ఇప్పటివరకు ముకుంద - కంచె వంటి డిఫరెంట్‌ సినిమాలతో వచ్చిన వరుణ్‌ తేజ్‌.. ఇప్పుడు ఫక్తు మసాలా సినిమాతో వస్తున్నాడు కాబట్టి.. తొలిసారిగా మనోడి రియల్‌ బాక్సాఫీస్‌ స్టామినా చూపించే ఛాన్సుంది మరి.