'పూజా హెగ్డే మంచి గుంటది' చిన్నారి కామెంట్.. పూజా ఫిదా

ఓ చిన్నారి చేసిన కామెంట్​కు నటి పూజా హెగ్డే ఫిదా అయిపోయింది. త్వరలోనే ఆ అమ్మాయిని కలుస్తానంటూ ట్వీట్​ చేసింది. ఇంతకీ ఆ అమ్మాయి ఏమందంటే.. ఓ చిన్నారిని ఇటీవల ఓ వ్యక్తి నువ్వు పెద్దయ్యాక ఏమవుదామనుకుంటున్నావు.. నీకు ఏ హీరోయిన్​ అంటే ఇష్టం ? అని ప్రశ్నించాడు. దీనికి ఆ చిన్నారి అదిరిపోయే ఆన్సర్​ ఇచ్చింది. ‘నాకు పూజా హెగ్డే అంటే చాలా ఇష్టం. నేను పెద్దాయ్యక పూజా హెగ్డే నవుతా’ అంటూ అని అమ్మాయి చెప్పింది. ఈ వీడియో ప్రస్తుతం సోషల్​మీడియాలో వైరల్​గా మారింది. ఈ వీడియో అటు ఇటు తిరిగి బుట్ట బొమ్మ పూజా వద్దకు వెళ్లింది.చిన్నారి మాటలు విన్న పూజా.. ఫిదా అయిపోయింది. వెంటనే రీ ట్వీట్​ చేసింది.

‘ ఓ మై గాడ్​ .. చిన్న అమ్మాయి ఈ రోజును నా జీవితంలో పరిపూర్ణం చేసింది. ఆ చిన్నారి బుగ్గలు ఎంత బాగున్నాయో.. చిన్నారికి నా ప్రేమను, ముద్దులను ఈ ట్వీట్ ద్వారా పంపిస్తున్నా. ఏదో ఒకరోజు చిన్నారిని కలుసుకుంటా’ అంటూ పూజా హెగ్డే రీ ట్వీట్​ చేసింది. అయితే ఇటీవల పూజ హెగ్డే చేసిన ఓ కామెంట్​ సోషల్​మీడియాలో తెగ వైరల్​ అయిన విషయం తెలిసిందే. ‘ సౌత్​ వాళ్లకు నడుముపై పిచ్చి ఎక్కువగా ఉంటుంది’ అంటూ పూజా కామెంట్​ చేశారు. ఈ మాటలు సోషల్​మీడియాలో వైరల్​ అయ్యాయి. పూజాపై కొన్ని నెగిటివ్​ కామెంట్లు కూడా వచ్చాయి. వెంటనే ఆ మాటలను కవర్​ చేసేందుకు పూజ ట్రై చేసింది. ‘నాకు సౌత్​వాళ్లంటే ఎంతో గౌరవం. నేను ఓ ఇంటర్వ్యూలో మాట్లాడిని కొంత బిట్​ను తీసుకొని కొందరు కాంట్రవర్సీ క్రియేట్​ చేశారు. తెలుగు ఇండస్ట్రీ నాకు ప్రాణ సమానం’ అంటూ చెప్పుకొచ్చింది. ప్రస్తుతం పూజా ప్రభాస్​ రాధేశ్యామ్​తో పాటు తమిళ, హిందీ సినిమాల్లో నటిస్తున్న విషయం తెలిసిందే.