టచ్ చేయకుండానే షాక్ ఇచ్చిన రాక్షసి?

వరుసగా రెండు సినిమాలను ప్రారంభించేసి మాస్ మహరాజ్ మళ్లీ రేస్ లోకి వచ్చేశాడని ఇప్పటికే చెప్పేసుకున్నాం. టచ్ చేసి చూడు.. రాజా ది గ్రేట్ అంటూ రెండు సినిమాల షూటింగ్ లకు ఇప్పటికే కొబ్బరికాయ కొట్టేసిన రవితేజ.. ఫిబ్రవరిలోనే రెండు మూవీస్ కి షూటింగ్ ప్రారంభించేయాలని ప్లాన్ చేసుకున్నాడు.

అయితే.. విక్రమ్ సిరికొండ దర్శకత్వంలో రూపొందనున్న టచ్ చేసి చూడు విషయంలో.. మాస్ మహరాజ్ కు అప్పుడే షాక్ తగిలేసింది. ఈ సినిమాలో రాశి ఖన్నా మెయిన్ హీరోయిన్ కాగా.. మరో హీరోయిన్ గా అందాలరాక్షసి లావణ్య త్రిపాఠిని తీసుకున్నారు. కానీ వరుస సినిమాలతో బిజీగా ఉన్న లావణ్య.. ఇప్పుడు రవితేజ మూవీ నుంచి తప్పుకుందని తెలుస్తోంది. డేట్స్ అడ్జస్ట్ చేయడం కుదరడం లేదంటూ కారణం చెప్పి.. సున్నితంగానే టచ్ చేసి చూడు నుంచి తప్పుకుందట లావణ్య.

సురేష్ బాబు- సాయి కొర్రపాటిలు కలిసి నటిస్తున్న నాగచైతన్య మూవీ కోసమే.. రవితేజ మూవీ నుంచి లావణ్య తప్పుకుందనే టాక్ వినిపిస్తోంది. ఆమె సంగతి పక్కన పెడితే.. ఈ నెలలోనే షూటింగ్ ప్రారంభించేయాలని ప్లాన్ చేయడంతో.. రెండో హీరోయిన్ కోసం వేట మొదలెట్టేశాడట దర్శకుడు విక్రమ్ సిరికొండ.


Like Us on Facebook : https://www.facebook.com/Tupakidotcom/