రాక్షసి మకాం కూడా హైద్రాబాద్ లోనే

హైద్రాబాద్ లో సెటిల్ అవుతున్న హీరోయిన్ల సంఖ్య రాన్రానూ ఎక్కువవుతోంది. ఇప్పటికే సమంతకు ఇక్కడే సొంతిల్లు ఉంది. పైగా హైద్రాబాదీ కోడలు అయిపోతుండడంతో.. ఇక్కడే సెటిల్ అయిపోవడంలో ఆశ్చర్యం లేదు. మరోవైపు రకుల్ ప్రీత్ సింగ్ కూడా ఇప్పటికే హైద్రాబాద్ లో ఓ ఇంటిని ఓన్ చేసేసుకుంది.

ఇప్పుడీ లిస్ట్ లోకి మరో హీరోయిన్ కూడా చేరిపోతోంది. అందాల రాక్షసి మూవీ నుంచి తెలుగు ప్రేక్షకులను వరుసగా అలరిస్తున్న అందాల భామ లావణ్య త్రిపాఠి. ఇప్పుడీమె హైద్రాబాద్ లో సెటిల్ అయిపోవాలని ఫిక్స్ అయిపోయింది. వరుస సినిమాలతో సంపాదన బాగానే ఉండడంతో.. ఈ సొమ్మును ప్లాన్డ్ గా ఇన్వెస్ట్ చేయాలని అమ్మడికి ఎవరో సలహా ఇచ్చారట. మరి పెట్టుబడులు అంటే వెంటనే గుర్తొచ్చే విషయం సొంతిల్లే కదా. పైగా హైద్రాబాద్ లో ఇల్లుందంటే.. దర్శక నిర్మాతలు కూడా ప్రిఫరెన్స్ ఇస్తారు.

అందుకే హైద్రాబాద్ లో ఓ ఇల్లు కొనుక్కుని సెటిల్ అయిపోవాలని ఫిక్సయిందట లావణ్య. అయినా.. ఇక్కడ సినిమాలు చేస్తూ ఇక్కడ సెటిల్ అవ్వక ఏం చేస్తుందిలే? అంతే కదా.. మకాం వేయడంలో మరిన్ని ఆఫర్స్ పట్టేయాలన్న భామల ఐడియాలజీ మాత్రం అదరహా అనాల్సిందే.

Like Us on Facebook : https://www.facebook.com/Tupakidotcom/