సందడి చేస్తున్న 'అర్ధం'లోని యాలో ఈ గుబులే ఏలో..

శ్రద్దా దాస్‌.. మాస్టర్‌ మహేంద్రన్‌.. అజయ్‌.. ఆమని.. ఈటీవీ ప్రభాకర్‌.. లోబో ఇంకా ప్రముఖ నటీనటులుగా మణికాంత్‌ దర్శకత్వంలో రాధికా శ్రీనివాస్‌, మినర్వా సౌత్‌ సంయుక్తంగా మినర్వా పిక్చర్స్‌ పతాకంపై నిర్మిస్తున్న చిత్రం 'అర్థం'. విభిన్నమైన కథ మరియు కథనంతో రూపొందిన ఈ సినిమా అన్ని కార్యక్రమాలు పూర్తి చేసుకున్న విడుదలకు సిద్ధమైంది.

ఈ సందర్భంగా సినిమా లోని  "యాలో ఈ గుబులే ఏలో.. గంజాయి కూడ లేకనే బలే ఉండావు పిల్ల గుండెలో" అనే సాంగ్‌ను విడుదల చేశారు. ఆకట్టుకునే ట్యూన్ తో పాటు చక్కని సాహిత్యం కూడ ఆ పాటకు జత అయ్యింది. దాంతో పాటకు మంచి రెస్పాన్స్ వస్తున్నట్లుగా చిత్ర యూనిట్‌ సభ్యులు ఆనందం వ్యక్తం చేస్తున్నారు.

ఈ పాటలో విలేజ్‌లో ఉండే హీరో గుండెలో అతని ప్రేమికురాలు రేపిన అలజడులను వర్ణిస్తూ మాస్‌ పదాలతో క్లాస్‌ సాంగ్‌లా సాగిపోతుంది. పాటలోని సాహిత్యం ను ప్రతి ఒక్కరికి అర్థం అయ్యేలా ఒక చక్కని ట్యూన్‌ ను అందించారు. గ్రామీణ అందాలు, ఆ వాతావరణం స్పష్టంగా కనిపిస్తూ ప్రేక్షకుల కనులకు విందు చేసేలా అద్భుతంగా చిత్రీకరించబడిరది.

హర్షవర్ధన్‌ రమేశ్వర్‌ సంగీతం, రాకేందు మౌళి సాహిత్యం, అనురాగ్‌ కులకర్ణి గాత్రం, సుచిత్రచంద్రబోస్‌ నృత్యం, పవన్‌ చెన్నా కెమెరా విజువల్స్‌ ఈ పాటను డిజిటల్‌ మీడియా లో ట్రెండ్‌ అయ్యేలా తీర్చిదిద్దాయి. 'టిప్స్‌ మ్యూజిక్‌' ద్వారా ఈ చిత్రంలోని పాటలు మార్కెట్‌లోకి విడుదలౌతున్నాయి.

పాటలకు ఎలా అయితే మంచి స్పందన వస్తుందో అలాగే సినిమాకు కూడా ప్రేక్షకుల నుండి చక్కని స్పందన వస్తుందని చిత్ర యూనిట్‌ సభ్యులు నమ్మకం వ్యక్తం చేస్తున్నారు.

ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాను త్వరలోనే ప్రేక్షకుల ముందుకు తీసుకు వస్తామంటూ నిర్మాతలు తెలియజేశారు.