అన్నీ క్యాన్సెల్ ..కుర్ర హీరోకి దెబ్బే

సాదారణంగా ఇండస్ట్రీ సక్సెస్ మీదే నడుస్తుంటుంది. హిట్ కొడితే ఒకలా ఫ్లాప్ కొడితే ఇంకోలా చూడటమూ సహజమే. హీరో అయినా , డైరెక్టరయినా వరుసగా మూడు , నాలుగు ఫ్లాపులు పడితే ఇంక అంతే సంగతులు. ప్రస్తుతం ఓ కుర్ర హీరో పరిస్థితి ఇలాగే ఉంది. కెరీర్ స్టార్టింగ్ లో మూడు సూపర్ హిట్లు కొట్టి అందరి దృష్టి తనవైపుకు తిప్పుకున్న ఆ హీరో ఇప్పుడు డౌన్ లోకి వెళ్ళిపోయాడు.

ఒక దానిమీద ఒకటి వరుసగా నాలుగు ఫ్లాపులు పడ్డాయి. అందులో రెండు డిజాస్టర్లు గా మిగిలాయి. అందుకే ఇప్పుడా హీరోతో సినిమా చేసేందుకు ఏ నిర్మాత ముందుకు రావడం లేదు. అతనితో సినిమా అంటేనే ఆమడ దూరం పారిపోతున్నారు. మొన్నటి వరకూ రెండు మూడు పెద్ద బ్యానర్ లు సినిమా చేయడానికి ప్లాన్ చేసినా ఇప్పుడు వాళ్ళు కూడా సినిమాను క్యాన్సెల్ చేసుకునే పరిస్థితి ఉంది.

అయితే ఇన్ని అడ్డంకుల మధ్య ఆ కుర్ర హీరోకి సినిమాలు రావాలంటే చేతిలో ఉన్న ఒకే ఒక్క సినిమా హిట్ అవ్వాలి. దాంతో హిట్ కొడితేనే మళ్ళీ హీరో గారి కెరీర్ ఊపందుకుంటుంది. లేదంటే ఇక ఇప్పట్లో మరో సినిమా అనేది మాత్రం కష్టమే.