అన్నయ్యకి అక్క.. మరి తమ్ముడికి?

కాటమరాయుడు మూవీని ఫుల్ స్పీడ్ లో చేస్తున్న పవన్ కళ్యాణ్.. ఆ వెంటనే త్రివిక్రమ్ మూవీని స్టార్ట్ చేయనున్నాడు. ఫిబ్రవరి మొదటివారంలో ప్రారంభం కానున్న ఈ చిత్రం ప్రీ ప్రొడక్షన్ పనుల్లో వేగం పెంచాడు త్రివిక్రమ్. ముఖ్యంగా ప్రధాన పాత్రలకు కాస్టింగ్ కంప్లీట్ చేసేస్తున్నాడు. పవన్-త్రివిక్రమ్ కాంబినేషన్ లో వస్తున్న చిత్రంలో తాను నటిస్తున్నట్లుగా మాజీ హీరోయిన్ ఖుష్బూ కన్ఫాం చేసింది.

'అభిమానులందరికీ మరో గుడ్ న్యూస్. 9 ఏళ్ల తర్వాత మళ్లీ తెలుగు సినిమా చేయబోతున్నా. పవన్+త్రివిక్రమ్ కాంబినేషన్లో రానున్న ప్రెస్టీజియస్ ప్రాజెక్టులో భాగం అయినందుకు సంతోషంగా ఉంది. త్రివిక్రమ్ ఎంతో అద్భుతమైన స్క్రిప్ట్ రూపొందించారు. ఈ సినిమాలో నాది పవర్ ఫుల్ కేరక్టర్. చివరగా మెగాస్టార్ చిరంజీవితో తెలుగు సినిమా చేశా. మళ్లీ ఇప్పుడు ఆయన తమ్ముడితో చేయడం సంతోషంగా ఉంది' అని చెప్పింది ఖుష్బూ.

ఈ సినిమాలో చేయాలా వద్దా అని చాలారోజులు ఆలోచించానని.. ఫ్యాన్స్ డిజప్పాయింట్ చేయకుండా తన పాత్రకు న్యాయం చేయాలని నిర్ణయించుకున్నానని ఖుష్బూ అంటోంది. ఈ మాజీ హీరోయిన్ చివరగా స్టాలిన్ లో.. చిరంజీవికి అక్కగా నటించింది. మరిప్పుడు పవర్ స్టార్ మూవీలో ఎలాంటి పాత్ర చేయనుందనే విషయం ఇంకా తెలియలేదు కానీ.. అత్తారింటికి దారేదిలో నదియా చేసిన రోల్ టైపులో.. పవర్ ఫుల్ అత్త కేరక్టర్ అయుంటుందనే అంచనాలు మొదలైపోయాయి.


Like Us on Facebook : https://www.facebook.com/Tupakidotcom/