ప్రభాస్ పై క్రాక్ బ్యూటీ క్రేజీ కామెంట్స్..!

సౌత్ స్టార్ హీరోయిన్ శృతిహాసన్.. ప్రస్తుతం కెరీర్ పరంగా వరుస సినిమాలతో బిజీ అవుతోంది. అలాగే వస్తున్న అవకాశాలతో షెడ్యూల్స్ బిజీ చేసుకుంటుంది. లైఫ్ లో లవ్ - బ్రేకప్ రెండు రుచి చూసిన అమ్మడు ఈ ఏడాది క్రాక్ బ్లాక్ బస్టర్ తో సెకండ్ ఇన్నింగ్స్ మొదలు పెట్టింది. క్రాక్ మూవీ శృతికి మర్చిపోలేని రీఎంట్రీ ఇచ్చిందనే చెప్పాలి. అలా క్రాక్ హిట్ పడిందో లేదో వెంటనే అమ్మడికి ఆఫర్స్ క్యూ కట్టాయి. అందులోను ఓ పాన్ ఇండియా మూవీ ఛాన్స్ దొరకడం శృతి అదృష్టమనే చెప్పాలి. దీనితో పాటు ఓ తమిళ చిత్రం చేస్తోంది. మరికొన్ని సినిమాలు చర్చల దశలో ఉన్నాయట.

ప్రస్తుతం శృతి చేతిలో మక్కల్ సెల్వన్ విజయ్ సేతుపతితో లాభం మూవీ ఉంది. అలాగే డార్లింగ్ ప్రభాస్ సరసన సలార్ చిత్రంలో నటిస్తోంది. ఈ రెండు సినిమాలు పెద్దవే కానీ సలార్ మూవీ పాన్ ఇండియా మూవీ కావడం విశేషం. ప్రస్తుతం షూటింగ్ శరవేగంగా జరుపుకుంటున్న ఈ చిత్రంతో శృతి డ్రీమ్ తీరనుంది. ఎందుకంటే.. ఈ వయ్యారికి డార్లింగ్ తో సినిమా చేయాలనే డ్రీమ్ ఉండేదట. ఆ విషయం ఇదివరకే ఓ ఇంటర్వ్యూలో బయటపెట్టింది. కానీ అమ్మడు చెప్పిందో లేదో కొన్ని రోజులకే సలార్ మూవీ అవకాశం రావడం అదృష్టంగా భావిస్తుంది. ప్రస్తుతం శృతి ఫుల్ ఖుషి అవుతోంది.

ఇదిలా ఉండగా.. ఆల్రెడీ శృతి సలార్ మూవీ ఫస్ట్ షెడ్యూల్ పూర్తి చేసుకుంది. అలాగే ఈ చిత్రంలో శృతి రోల్ గురించి పలు ఊహగానాలు వ్యక్తం అవుతున్నాయి. సలార్ చిత్రంలో శృతి ఓ జర్నలిస్ట్ పాత్రలో కనిపించనుందని కథనాలు చెబుతున్నాయి. మరి అందులో ఎంతవరకు నిజం ఉందో తెలియదు కానీ మేకర్స్ నుండి అదే నిజం అన్నట్లుగా సిగ్నల్ వచ్చినట్లు ఇండస్ట్రీ టాక్. ఇటీవలే అమ్మడు మీడియాతో మాట్లాడుతూ తన హీరో డైరెక్టర్ పై క్రేజీ కామెంట్స్ చేసింది. "ఇప్పటివరకు నేను సలార్ చిన్న షెడ్యూల్ మాత్రమే చేసాను. కానీ డార్లింగ్ ప్రభాస్ చాలా హంబుల్ పర్సన్ అలాగే ఎల్లప్పుడూ చాలా పాజిటివ్ గా ఉంటారు. మా డైరెక్టర్ అయితే చాలా పర్ఫెక్షనిస్ట్. ఈ చిత్రంలో భాగమైనందుకు చాలా హ్యాపీగా ఉంది" అని చెప్పింది. ప్రస్తుతం శృతి కామెంట్స్ సోషల్ మీడియాలో వైరల్ అవుతున్నాయి.