త్రివిక్రమ్‌ సరే..మరి కొరటాల శివ మాటేంటి..?

మెగాస్టార్‌ చిరంజీవి ప్రస్తుతం సైరా సినిమాలో బిజీగా ఉన్నాడు. ఈ సినిమా తర్వాత వాట్‌ నెక్స్ట్‌ అంటే మెగాస్టార్‌ మైండ్‌ లో చాలామంది దర్శకులు ఉన్నారు. అయితే.. వాళ్లందర్ని కాదని కొరటాల శివకు అవకాశం ఇచ్చాడు చిరంజీవి. కొరటాల శివ ఇప్పటివరకు ఫ్లాప్ అనేదే లేకుండా దూసుకుపోతున్నాడు. అదీగాక.. శివ సినిమాల్లో ఎంటర్‌ టైన్‌ మెంట్‌ తో పాటు అంతర్లీనంగా మేసేజ్‌ కూడా ఉంటుంది. ఇలాంటి సినిమాలు మెగాస్టార్‌ లాంటి సీనియర్‌ హీరోకి పర్‌ ఫెక్ట్‌ గా సూట్‌ అవుతాయి. భరత్‌ అను నేను సినిమా తర్వాత శివ కూడా వేరే ప్రాజెక్టులేవీ కమిట్‌ కాకుండా.. చిరు కోసం కథ - కథనాల్ని సిద్ధం చేస్తున్నాడు.

అయితే.. ఇప్పుడు మెగాస్టార్‌ మనసు మారింది. కొరటాల శివతో కాకుండా త్రివిక్రమ్‌ శ్రీనివాస్‌ తో సినిమా చేయాలని ఫిక్స్ అయ్యాడు. వీవీఆర్‌ ఆడియో వేదికగా ఎనౌన్స్‌ కూడా చేశాడు. సైరా తర్వాత తన నెక్ట్‌ సినిమాను త్రివిక్రమ్‌ తో చేయబోతున్నట్లు ప్రకటించాడు. త్రివిక్రమ్‌ ఓకే అయితే.. మరి కొరటాల శివ ఏం చెయ్యాలి. ఇప్పటికే మెగాస్టార్‌ ని దృష్టిలో పెట్టుకుని కథ - కథనాల్ని కూడా కంప్లీట్‌ చేసుకున్నాడు. ఇప్పుడు ఈ కథ వేరే హీరోకు సూట్ అవ్వదు. ఒకవేళ అయినా.. ప్రస్తుతం కాల్షీట్లు ఇచ్చేందుకు ఒక్క హీరో కూడా ఖాళీగా లేడు. మహేశ్‌ - ఎన్టీఆర్‌ - ప్రభాస్‌ - రామ్‌ చరణ్‌ ఇలా అందరూ ఫుల్‌ బిజీగా ఉన్నారు. మరి ఇప్పుడు శివ పరిస్థితి ఏంటి..? వేరే ఎవరైనా చిన్న హీరోతో సినిమాను ప్లాన్‌ చేసుకోవాలా.. లేదంటే.. మెగా ఫ్యామిలీయే తమలో ఉన్న ఏ హీరోతో అయినా సినిమా చేసే అవకాశం ఇస్తుందా..వెయిట్‌ అండ్‌ సీ.