అమ్మ వెనక కోన హ్యాండ్ లేదా!?

అలనాటి అందాల తార శ్రీదేవి ప్రధాన పాత్రలో మరో మూవీ మొదలైంది. ఇంగ్లీష్-వింగ్లీష్ తో తన రీఎంట్రీని గ్రాండ్ గా స్టార్ట్ చేసిన శ్రీదేవి.. తర్వాత పులి చిత్రంతో వెనకడుగు వేసింది. అయితే.. ఇప్పుడు మరో మూవీతో ప్రేక్షకుల ముందుకు రానుంది శ్రీదేవి. మామ్ అనే టైటిల్ తో.. సవతి తల్లి కాన్సెప్ట్ తో రూపొందుతున్న ఓ మూవీలో నటిస్తోంది శ్రీదేవి.

ఇప్పుడీ మామ్ కు సంబంధించిన షూటింగ్ కూడా మొదలైపోియంది. రవి ఉదివర్ డైరెక్షన్ లో రూపొందే ఈ చిత్రంలో.. 18 ఏళ్ల అమ్మాయికి సవతి తల్లిగా శ్రీదేవి కనిపించనుంది. కొత్తమ్మాయి ఈ రోల్ లో కనిపంచనుండగా.. నవాజుద్దీన్ సిద్దిఖీ ప్రధాన పాత్రలో కనిపించనున్నాడు. అయితే.. కొంత కాలం క్రితం శ్రీదేవికి సూపర్ స్టోరీ ఒకటి ఇచ్చానని, ఆమె కూడా ఈ మూవీ చేసేందుకు అంగీకరించారని.. టాలీవుడ్ స్టార్ రైటర్ కోన వెంకట్ చెప్పాడు. ఈ ప్రాజెక్టు గురించి మళ్లీ ఎక్కడా మాట్లాడలేదు. ఇప్పుడు శ్రీదేవి నటించబోతున్న మామ్ స్టోరీ వెనక కోన ఉన్నాడా లేదా అనే క్వశ్చన్ వస్తోంది.

ఒకవేళ ఉంది అనుకుంటే.. ఇప్పటివరకూ కోన గురించి కనీసం మాట కూడా ఎక్కడా వినిపించలేదు. మరి శ్రీదేవికి స్టోరీ ఇచ్చి బాలీవుడ్ లో ఎంట్రీ ఇచ్చేసి ఇరగదీసేద్దామని భావిస్తున్న.. కోన వెంకట్ సంగతి ఏమవుతుందో? స్టార్ రైటర్ బాలీవుడ్ డ్రీమ్స్ తీరతాయో లేదో?