నీరజా కోన.. ఇక రెస్టారెంట్ ఓనర్

సినిమా ఇండస్ట్రీ ప్రముఖులు ఇతర వ్యాపారాలను కూడా నిర్వహించేయడం చూస్తూనే ఉన్నాం. గతంలో ఇలాంటి ఆలోచన కొంతమందికే ఉండేది కానీ.. ఈ మధ్య దాదాపుగా ప్రతీ ఒక్కరూ బిజినెస్ ల పై దృష్టి పెట్టారు. ఇప్పుడు కోన వెంకట్ సోదరి నీరజ.. తన భర్తతో కలిసి కొత్త వ్యాపారాన్ని మొదలుపెడుతోంది.

టీ-గ్రిల్ అనే పేరుతో రెస్టారెంట్ ను ప్రారంభిస్తున్నట్లు చెప్పింది నీరజా కోన. ' మీరంతా స్నేహితులతో కలిసి వచ్చి మీ కలలు పంచుకోవాలని అనుకున్నపుడు.. మా తలుపులు తీసే ఉంచుతాం. టీ గ్రిల్.. టేస్ట్ ఆఫ్ తెలుగు.. ' అంటూ పొయెటిక్ టచ్ తో ఓ ట్వీట్ కూడా పెట్టిందీమె. 'మాదాపూర్ లో టీ గ్రిల్ అతి త్వరలో ప్రారంభం కానుంది. నేను.. నా భర్త అజయ్.. హీరో నితిన్.. చాణక్య & మధు.. మీరంతా ఓసారి వచ్చి ప్రయత్నించాలని ఆశిస్తున్నాం' అని చెప్పిందీమె.

ఇంతకీ టీ గ్రిల్ లో టీ అంటే ఏంటి అనే డౌట్ వచ్చిందా.? ఇండస్ట్రీని బట్టి టాలీవుడ్ అనో.. ప్లేస్ మెంట్ ను బట్టి తెలంగాణ అనో అనుకోవచ్చు కానీ.. అలాంటి కన్ఫ్యూజన్ లేకుండా ఉండేందుకే కదా 'టేస్ట్ ఆఫ్ తెలుగు' అనే కేప్షన్ తగిలించారు.

Like Us on Facebook : https://www.facebook.com/Tupakidotcom/