రౌడీ 'ఫైటర్‌' లో యాక్షన్‌ కింగ్‌

రౌడీ స్టార్‌ విజయ్‌ దేవరకొండ హీరోగా యాక్షన్‌ కింగ్‌ పూరి జగన్నాద్‌ దర్శకత్వంలో రూపొందుతున్న సినిమా 'ఫైటర్‌'. బాలీవుడ్‌ హీరోయిన్‌ అనన్య పాండే ఈ సినిమాలో విజయ్ దేవరకొండకు జోడీగా నటిస్తుంది. పూరితో పాటు ఈ సినిమాను బాలీవుడ్‌ నిర్మాత కరణ్‌ జోహార్‌ కూడా నిర్మాతగా వ్యవహరిస్తున్నాడు. దాంతో సినిమాపై బాలీవుడ్‌ వర్గాల్లో కూడా అంచనాలు భారీగా ఉన్నాయి. అంచనాలకు తగ్గట్లుగా సినిమాను ఉత్తరాది ప్రేక్షకుల అభిరుచికి తగ్గట్లుగా పూరి రూపొందిస్తున్నాడనే వార్తలు వస్తున్నాయి. విశ్వసనీయంగా అందుతున్న సమాచారం ప్రకారం ఈ సినిమాలో కీలక పాత్రకు గాను యాక్షన్‌ కింగ్‌ అర్జున్‌ ను ఎంపిక చేసినట్లుగా తెలుస్తోంది.

ఈ సినిమా కథ మాఫియా నేపథ్యంలో ఉంటుందని అంటున్నారు. రెండు గ్యాంగ్‌ ల మద్య గ్యాంగ్‌ వార్‌ సీన్స్ ఆసక్తికరంగా ఉంటాయని ఇండస్ట్రీ వర్గాల నుండి సమాచారం అందుతోంది. భారీ ఎత్తున అంచనాలున్న ఈ ఫైటర్‌ సినిమాలో విజయ్‌ దేవరకొండకు తండ్రి పాత్రలో అర్జున్‌ కనిపించబోతున్నాడనే వార్తలు కూడా వస్తున్నాయి. అర్జున్‌ తెలుగు మరియు ఇతర భాషల ప్రేక్షకులకు సుపరిచితుడు. అందుకే ఆయన ఈ సినిమాలో ఉండటం వల్ల పాన్‌ ఇండియా మూవీగా ఫైటర్‌ కు మరింత పాపులారిటీ దక్కే అవకాశం ఉందని అంటున్నారు. అందుకే ఈ సినిమాకు పూరి ఆయన్ను ఎంపిక చేసుకున్నట్లుగా తెలుస్తోంది.