లస్ట్ భామకు మరో క్రేజీ బాలీవుడ్ ఆఫర్!

బాలీవుడ్ బ్యూటీ కియారా అద్వాని జోరు మామూలుగా లేదు. తెలుగులో మొదటి సినిమా 'భరత్ అనే నేను' తో సూపర్ హిట్ సాధించినా మరో సినిమా 'వినయ విధేయ రామ' ఫ్లాప్ అయింది. తెలుగులో బ్రేక్ పడింది అనుకునేలోపు ఈ భామ బాలీవుడ్ లో క్రేజీ ఆఫర్లతో దూసుకుపోతోంది.

ఇప్పటికే కియారా 'అర్జున్ రెడ్డి' హిందీ రీమేక్ 'కబీర్ సింగ్' లో నటిస్తోంది. ఈ సినిమా కాకుండా కరణ్ జోహార్ చిత్రం 'కళంక్'.. అక్షయ్ కుమార్ 'గుడ్ న్యూస్' సినిమాలలో హీరోయిన్ గా నటిస్తోంది. తాజాగా ఈ భామకు మరో జాక్ పాట్ ఆఫర్ తగిలిందట. తమిళం.. తెలుగులో సూపర్ హిట్ అయిన హారర్ కామెడి 'కాంచన' సినిమాను హిందీ లో రిమేక్ చేసేందుకు సన్నాహాలు జరుగుతున్నాయనే సంగతి తెలిసిందే. ఈ సినిమాలో అక్షయ్ కుమార్ హీరో గా నటిస్తున్నాడు. తమిళ చిత్రానికి దర్శకత్వం వహించిన లారెన్స్ ఈ రీమేక్ ద్వారా డైరెక్టర్ గా బాలీవుడ్ ఎంట్రీ ఇస్తున్నాడట. ఈ సినిమాలో హీరోయిన్ పాత్ర కోసం కియరాను సంప్రదించారట.

ఇలాంటి అవకాశం వస్తే కియారా ఎలా వదులుకుంటుంది? ఎగిరి గంతేసి 'యస్' అని చెప్పేసిందట. బాలీవుడ్ లో హిట్ల శాతం ఎక్కువగా ఉన్న హీరోలలో అక్షయ్ కుమార్ ఒకరు. పైగా 'కాంచన' గ్యారంటీ గా హిట్ అయ్యే అవకాశాలు ఎక్కువగా ఉండే స్టొరీ. ఈ లెక్కన లస్ట్ భామ ఖాతాలో మరో హిట్టు పడ్డట్టే.