చీజ్ బడీ అంటున్న బన్నీ భామ

ఎంఎస్ ధోనీ.. ది అన్ టోల్డ్ స్టోరీ చిత్రంతో దేశవ్యాప్తంగా పేరు దక్కించుకున్నవారిలో కైరా అద్వానీని కూడా చెప్పుకోవాలి. ఇప్పుడీమె కోసం అనేక ఇండస్ట్రీల నుంచి ఎంక్వైరీలు జరిగిపోతున్నాయి. వక్కంతం వంశీతో అల్లు అర్జున్ హీరోగా తెరకెక్కనున్న మూవీకి.. ఈ భామనే ఫిక్స్ చేశారనే టాక్ జోరుగా ఉంది.

ఇప్పుడీ కైరా అద్వానీ.. ఓ బాలీవుడ్ క్లాసిక్ సాంగ్ కి లేటెస్ట్ రీమేక్ లో డ్యాన్స్ వేసి ఆకట్టుకుంది. మొహ్రా మూవీలో అక్షయ్ కుమార్- రవీనా టాండన్ లు 'తు చీజ్ బడీ హై మస్త్ మస్త్' అంటూ సాగే పాటలో ఇరగదీసేస్తారు. ఆ తర్వాత 2005లో ఈ పాటను ఓ సారి రీమేక్ చేయగా.. ఇప్పుడు వీడియో సాంగ్ రూపంలో మరోసారి ప్రేక్షకుల ముందుకు తీసుకొచ్చారు. లిరిక్ వరకూ తీసుకున్నా.. అది కూడా కొంచెం మార్చి.. థీమ్ మార్చి పిక్చరైజ్ చేశారు.

విచిత్రం ఏంటంటే.. ఈ మూడు సార్లు మేల్ సింగర్ ఉదిత్ నారాయణ్ కావడమే. ఈ లేటెస్ట్ వెర్షన్ ను కూడా ఉదిత్ పాడడంతో.. మరింత ఆకట్టుకుంటుంది. మరోవైపు డ్యాన్సులు విషయంలోనూ.. స్కిన్ షో విషయంలోనూ కైరా అద్వానీ బాగానే ఆకట్టుకుంది. సూపర్ హిట్ క్లాసిక్ ఐటెం సాంగ్ కావడంతో.. ఈ పాటకు ఆన్ లైన్ లో క్రేజ్ బాగానే ఉంది.



Like Us on Facebook : https://www.facebook.com/Tupakidotcom/