అప్పుడే మహేష్ తో ఛాన్స్ పట్టేసిందా

హీరోయిన్స్ విషయంలో దర్శకుడు కొరటాల శివ లెక్కలు మారిపోతున్నాయి. మొదట మిర్చిలో అనుష్కను.. శ్రీమంతుడులో శ్రుతి హాసన్ ను.. రీసెంట్ గా జనతా గ్యారేజ్ లో సమంతను తీసుకున్న కొరటాల శివ.. ఇప్పుడు మహేష్ బాబుతో చేయనున్న తన రెండో మూవీ కోసం కుర్ర బ్యూటీపై కన్నేశాడు.

సౌత్ మొత్తం మీద మాంచి స్పీడ్ మీదున్న కీర్తి సురేష్ కి ఈ ఆఫర్ ఇస్తున్నాడట కొరటాల. శివ కార్తికేయన్ మూవీ రెమోలో కీర్తి యాక్టింగ్ చూసి మెస్మరైజ్ అయిపోయిన ఈ దర్శకుడు.. మహేష్ సినిమా కోసం అడగడం.. వెంటనే ఒప్పేసుకోవడం జరిగిపోయాయి. టాలీవుడ్ లో మొదటి సినిమా 'నేను శైలజ'లో రామ్ తో చేసి.. రెండో మూవీ 'నేను లోకల్' అంటూ నానితో చేసిన కీర్తి సురేష్ కి.. మూడో సినిమాకే మహేష్ బాబుతో ఆఫర్ అంటే.. లోకల్ పాపను లక్కీ బ్యూటీ అనాల్సిందే.

స్టార్ హీరోయిన్లను ప్రిఫర్ చేసే మహేష్ బాబు కూడా ఇప్పుడు ట్రెండ్ మార్చినట్లే కనిపిస్తున్నాడు. మురుగదాస్ మూవీలో యంగ్ హీరోయిన్ రకుల్ ప్రీత్ సింగ్ తో చేస్తున్న సూపర్ స్టార్.. తర్వాతి చేయనున్న కొరటాల మూవీలో ఇంకో కుర్ర బ్యూటీకి అవకాశం ఇస్తున్నాడు.

Like Us on Facebook : https://www.facebook.com/Tupakidotcom/