కవచం రిలీజ్ డేట్ ఫిక్స్.. టెస్ట్ తప్పదా?

యంగ్ హీరో బెల్లంకొండ శ్రీనివాస్ నూతన దర్శకుడు శ్రీనివాస్ రెడ్డి మామిళ్ళ డైరెక్షన్లో తెరకెక్కిన 'కవచం' సినిమాతో ప్రేక్షకుల ముందుకు రానున్న సంగతి తెలిసిందే. బెల్లంకొండ హీరో మొదటి సారి పోలీస్ ఆఫీసర్ పాత్ర పోషిస్తున్న ఈ సినిమా ఫస్ట్ లుక్.. టీజర్లక మంచి రెస్పాన్స్ వచ్చింది. తాజాగా ఈ సినిమా విడుదల తేదీని ఫిలిం మేకర్స్ ప్రకటించారు.

డిసెంబర్ 7వ తారీఖున 'కవచం' రిలీజ్ కానుంది. సరిగ్గా ఆ రోజే తెలంగాణా రాష్ట్రంలో ఎన్నికలు జరగుతాయని ఇప్పటికే ఎన్నికల కమీషన్ ప్రకటించిన సంగతి తెలిసిందే. దీంతో రిలీజ్ డే శుక్రవారం నాడు తెలంగాణాలో శెలవు ఉంటుంది. మరి ఈ హాలిడే 'కవచం' కలెక్షన్స్ పెరిగేందుకు ఉపయోగపడుతుందా.. లేదా ఎన్నికల హాడావుడిలో ఈ సినిమాను మొదటిరోజు లైట్ తీసుకుంటారా అనేది వేచి చూడాలి. కానీ ఆంధ్ర ప్రదేశ్ లో ఎన్నికలు లేవు కాబట్టి అలాంటి సమస్యేమీ లేదు.

ఈ సినిమాలో కాజల్ అగర్వాల్.. మెహ్రీన్ హీరోయిన్లుగా నటిస్తున్నారు. నీల్ నితిన్ ముకేష్.. హర్షవర్ధన్ రాణే లు ఇతర కీలక పాత్రలలో నటిస్తున్నారు. థమన్ ఈ సినిమాకు సంగీత దర్శకుడు. థ్రిల్లర్ జోనర్లో తెరకెక్కుతున్న ఈ సినిమా షూటింగ్ ఇప్పటికే పూర్తయింది. ప్రస్తుతం పోస్ట్ ప్రొడక్షన్ కార్యక్రమాలు జోరుగా సాగుతున్నాయట. త్వరలో ఈ సినిమా ట్రైలర్ ను రిలీజ్ చేయడానికి ప్లాన్ చేస్తున్నారు.