Begin typing your search above and press return to search.
కత్రినా విగ్రహం కూడా కట్టిస్తున్నారుగా...
By: Tupaki Desk | 17 March 2015 10:58 AM IST
బాలీవుడ్ కథానాయికల్లో అగ్రనాయికగా ఎవరెస్టు ఎత్తులో నిలిచిన నాయిక కత్రిన కైఫ్. ఈ భామ తను పుట్టి పెరిగిన లండన్లో అరుదైన గౌరవాన్ని అందుకోబోతోంది. ఈ భామ మైనపు విగ్రహాన్ని (వ్యాక్స్ స్టాట్యూ అని పిలుస్తున్నారు) లండన్లోని మ్యాడమ్ తుస్సాడ్స్ ప్రాంతంలో నెలకొల్పనున్నారని గతంలోనే విన్నాం. ఇప్పుడు అందుకు లైన్ క్లియర్ అయ్యింది. కత్రిన మైనపు విగ్రహాన్ని ఈనెల 27న ఆవిష్కరించనున్నారు. ఇప్పటికే ఈ విగ్రహం ముంబైలో తయారవుతోంది. 2014లోనే శిల్పులు పని ప్రారంభించి ఇటీవలే పరిపూర్ణంగా పని పూర్తి చేశారు. విగ్రహం సిద్ధమైంది. ఇక ప్రతిష్ఠించడమే తరువాయి. వ్యాక్స్ మ్యూజియం గత ఏడాది ప్రారంభమైంది. ఇందులో కత్రిన వ్యాక్స్ విగ్రహాన్ని ఆవిష్కరించడం అరుదైన గౌరవమే. అమితాబ్బచ్చన్, ఐశ్వర్యారాయ్, సల్మాన్ఖాన్, మాధురి ధీక్షిత్, కరీనాకపూర్ తర్వాత విగ్రహం కట్టించుకున్న తారగా కత్రిన పేరు రికార్డులకెక్కింది. మైనపు బొమ్మను చూసి ముగ్ధులవ్వడం ఖాయం. లండన్ వెళితే ఈ విగ్రహాల్ని వీక్షించి రావాల్సిందేనన్నమాట!!