కరణ్ పిల్లలకు.. ఖాన్ వైఫ్ నర్సరీ

కరణ్ జోహార్ ఫిబ్రవరి ప్రారంభంలో ఇద్దరు చిన్నారులకు తండ్రి అయిన విషయం తెలిసిందే. రీసెంట్ గా తన ఇద్దరు పిల్లలను హాస్పిటల్ నుంచి ఇంటికి తీసుకెళ్లాడు కూడా. మరి పిల్లలు ఇంటికి వచ్చేటప్పటికి ఏర్పాట్లు ఉండాలి కదా. అందుకోసం ఇంట్లోనే ఓ నర్సరీ కూడా ఏర్పాటు చేసేసుకున్నాడు.

దీన్ని డిజైన్ చేసింది ఎవరో కాదు. బాలీవుడ్ కింగ్ ఖాన్ షారూక్ భార్య గౌరీ ఖాన్. స్టైలిస్ట్ గానే కాకుండా.. ఇంటీరియర్ డిజైనర్ గా కూడా ఈమె ఫుల్ ఫేమస్. అందుకే తన చిన్నారులు అయిన రూహి.. యష్ ల కోసం ఓ నర్సరీ ఏర్పాటు చేయించాడు. గౌరీ ఖాన్ ఎంతో అద్భుతంగా డిజైన్ చేసిన ఈ చిల్డ్రన్ రూమ్ ను.. ఆమెతో కలిసి ఫోటో దిగి మరీ షేర్ చేశాడు కరణ్ జోహార్. 'గౌరి ఖాన్ ఇష్టంగా ఎన్నో జాగ్రత్తలతో డిజైన్ చేసిన నా బేబీ నర్సరీ. ఇదే నా స్వర్గం. లవ్ యు గౌరి' అంటూ తన ఆనందాన్ని పంచుకున్నాడు కరణ్ జోహార్.

ఇంతకీ కరణ్ జోహార్ పిల్లల ఇద్దరి పేర్లకు ఓ స్పెషాలిటీ ఉంది. యష్ అంటూ కొడుకు పేరును.. తండ్రి యష్ చోప్రాకు గుర్తుగా పెట్టుకున్నాడు. తల్లి హిరూ చోప్రా పేరును మార్చి రూహి అని కూతురు పేరు పెట్టాడు కరణ్ జోహార్. పేర్లు బాగున్నాయ్.. వాళ్ల నర్సరీ ఇంకా బాగుంది కదూ.

Like Us on Facebook : https://www.facebook.com/Tupakidotcom/