మ‌లైకా ఫోటో పై రంగోలి పైత్యం

చూసే దృష్టిని బ‌ట్టే అవ‌త‌లి వాళ్లు క‌నిపిస్తుంటారు. చెడు కోణంలో చూస్తే చెడుగానే క‌నిపిస్తుంది ఈ లోకం. మంచి మ‌న‌సుతో చూస్తే అంతా మంచే క‌నిపిస్తుంటుంది. బాలీవుడ్ హాట్ సెల‌బ్రిటీ మ‌లైకా అరోరాఖాన్ ని క్వీన్ కంగ‌న సోద‌రి రంగోలి ఏ దృష్టితో చూస్తుంది? అన్న‌ది త‌నే ఓపెన్ అయిపోయింది. రంగోలి చేసిన ఓ దురుసైన కామెంట్ నెటిజ‌నులు భ‌గ్గుమ‌నేలా చేసింది.

ఇంత‌కీ రంగోలి అంత ఆడ‌కూడ‌ని మాట ఏం అంది? అంత చెత్త ప‌ని ఏం చేసింది? అంటే.. 46 ఏళ్ల‌ మ‌లైకా అరోరాఖాన్ త‌న కుమారుడు అర్హ‌న్ ఖాన్ తో క‌లిసి ఉన్న ఓ ఫోటోని షేర్ చేసి దానికి ఆస‌క్తిక‌ర వ్యాఖ్య‌ను జోడించింది. ``కొడుకు త‌న త‌ల్లి విష‌యంలో తీసుకునే జాగ్ర‌త్త ఇదీ.. చాలా నైస్`` అంటూ ఆ ఫోటోకి వ్యాఖ్య‌ను జోడించింది. కొడుకుపై ముద్దులు కురిపిస్తూ.. ఎంతో లాల‌న‌గా ఉన్న‌ ఒక ఈమోజీని పోస్ట్ చేసింది.

అయితే దానికి రంగోలి పెడార్థాలు తీస్తూ ఘాటైన విమ‌ర్శ చేయ‌డంతో అది కాస్తా నెటిజనుల్లో వైర‌ల్ గా మారింది. ఇంత‌కీ రంగోలి ఆ స‌న్నివేశంపై ఏమ‌ని పెడార్థం తీసింది అంటే..``దిస్ ఈజ్ మోడ్ర‌న్ ఇండియా మ‌ద‌ర్.. వెరీ గుడ్!`` అంటూ మ‌లైకాని అవ‌మాన ప‌రుస్తూ సెటైరిక‌ల్ గా థ‌మ్స‌ప్ ఈమోజీల్ని షేర్ చేసింది. కొడుకుతో క‌లిసి ఉన్న‌ ఆ స‌మ‌యంలో మ‌లైకా ధ‌రించిన మోడ్ర‌న్ నైటీపై రంగోలి అలా వంక‌ర‌గా సెటైర్ వేయ‌డంతో ఒక ర‌కంగా నెటిజ‌నం భ‌గ్గుమ‌న్నారు. ``ఇంతగా దారుణానికి దిగ‌జారిపోయింది రంగోలి`` అంటూ కొంద‌రు చెడామ‌డా తిట్టేస్తే మ‌రికొంద‌రైతే .. ``నీ చెత్త మాట‌ల‌కు కంగ‌న కెరీర్ నాశ‌నం అవుతోంది!`` అంటూ తిట్టేశారు. అన్ని తిట్టు తిన్నా రంగోలి బుద్ధి ఏమైనా మారిందా? అంటే.. అస్స‌లు స‌సేమిరా! అన్న‌ట్టే త‌న వాల‌కం ఉంది. త‌న కుమారుడికి త‌న త‌ల్లిగారు ఓ స్వెట‌ర్ తొడుతున్న వీడియోని రంగోలి షేర్ చేసింది. ``లాస్ట్ ఆఫ్ అథెంటిక్ ఇండియ‌న్ మ‌ద‌ర్స్ జ‌న‌రేష‌న్`` అంటూ వ్యాఖ్య‌ను జోడించింది. ఒక ర‌కంగా మ‌లైకా సంసారి కాదు.. త‌న త‌ల్లి మాత్ర‌మే సంసార‌ప‌క్షం అనే అర్థం వ‌చ్చేలా ఘాటైన అర్థం వ‌చ్చేలా వ్యాఖ్యానించింది. మ‌లైకాపై ఎంత‌గా పాత క‌క్ష ఉంటే మాత్రం మ‌రీ ఇంత‌గా సాధిస్తుందా రంగోలి?