కంచె దాటకుండానే అద్భుతమైన రొమాన్స్

ఒక్క ట్రైలర్ తో టాలీవుడ్ నే కాదు.. దేశం మొత్తాన్ని ఆకర్షించిన మూవీ కంచె. సినిమా స్టోరీ పరంగానే కాదు.. అద్భుతమైన విజువల్స్ తో కట్టిపడేశాడు డైరెక్టర్. ఇప్పుడీ సినిమాలోని పాటల ప్రోమోలు రిలీజయ్యాయి. మ్యూజిక్ పరంగా బాగా ఆకట్టుకుంటున్నాయి.

ముఖ్యంగా నిజమేనని నమ్మనీ అంటూ సాగే పాటలో.. వరుణ్ తేజ్ - ప్రగ్యా జైస్వాల్ లు చూడముచ్చటగా ఉన్నారు. 70 ఏళ్ల క్రితం కథలోని కేరక్టర్లు వీళ్లిద్దరూ. అప్పటి కాలానికి తగినట్లుగా ఇద్దరీ మధ్యా ప్రేమ బంధాన్ని చూపించాలి. అందుకే ఎక్కడా హద్దు మీరకుండానే.. ప్రేక్షకులని తన్మయత్వంలో ముంచేందుకు దర్శకుడు చేసిన కృషిని అభినందించాల్సిందే.

చిత్రీకరించిన లొకేషన్ కూడా సాంగ్ కు భలేగా సెట్ అయింది. ఎత్తైన జలపాతం కింద వరుణ్ తేజ్ - ప్రగ్యాల రొమాన్స్ అదుర్స్. ఇప్పటికే తారాస్థాయిలో ఉన్న అంచనాలను. ఈ పాటలు మరింత భారీగా పెంచేశాయి. అక్టోబర్ 2 న రిలీజ్ కానున్న ఈ మూవీ ఆడియో విడుదల కార్యక్రమం ఇవాళే.