కమల్-శంకర్ తో దిల్ రాజు?

మినిమమ్ సక్సెస్ రేట్ ఉన్న కథలను ఎందుకొని హిట్ కొట్టగలిగే నిర్మాత దిల్ రాజు. గత కొంత కాలంగా ఆయన సినిమాలు బాక్స్ ఆఫీస్ వద్ద మంచి విజయాన్ని అందుకుంటున్నాయి. ఒకప్పుడు కొత్త దర్శకులను ఎక్కువగా పరిచయం చేసే దిల్ రాజు ఇప్పుడు అంతగా ప్రయోగాలు చేయడం లేదు. ఎక్కువగా సీనియర్ దర్శకులతో కలిసి స్టార్ హీరోలతో భారీ చిత్రాలను తీస్తున్నాడు.

అయితే ఇప్పుడు దిల్ రాజు మరొక భారీ బడ్జెట్ సినిమాను తెరకెక్కించడానికి సిద్ధమయినట్లు తెలుస్తోంది. తమిళ్ స్టార్ డైరెక్టర్ శంకర్ చాలాకాలం నుండి కమల్ హాసన్ తో ఒక సినిమాను తీయాలని అనుకుంటున్నాడు. వీరి కలయికలో వచ్చిన భారతీయుడు సినిమా మంచి విజయాన్ని అందుకుంది. తెలుగులో కూడా మంచి వసూళ్లను రాబట్టింది. త్వరలో ఈ కాంబో మళ్లీ రిపీట్ కానుందని టాక్. అయితే ఆ సినిమాను దిల్ రాజూ తన బ్యాన్నర్ లో నిర్మించనున్నాడట. ప్రస్తుతం శంకర్ 2.0 సినిమాతో బిజీగా ఉన్నాడు. జనవరిలో ఆ సినిమా రిలీజ్ కానుంది. దీంతో వచ్చే సమ్మర్ లో దిల్ రాజుతో కలిసి షూటింగ్ స్టార్ట్ చేయనున్నట్లు తెలుస్తోంది.

దిల్ రాజు - శంకర్ మధ్య మంచి స్నేహ సంబంధాలు ఉన్నాయి. తమిళ్ లో శంకర్ నిర్మించిన వైశాలి సినిమాను దిల్ రాజు తెలుగులో రిలీజ్ చేశారు. ఆ సినిమా తెలుగులో కూడా హిట్ అయ్యింది. మరి ఈ సారి డైరెక్ట్ గా తీసే సినిమా ఎంతవరకు విజయాన్ని అందుకుంటుందో చూడాలి.