ఇజం ఆడియో.. అర్ధరాత్రి పకటించిన పూరి

అసలు దసరా సీజన్లో వస్తుంది అనుకున్న ''ఇజం'' సినిమా డేట్ మిస్సయ్యింది. అప్పట్లో అనేక కారణాలు వినిపించాయి కాని.. కేవలం సోలో రిలీజ్ డేట్ కోసమే మనోళ్ళు ఈ విధంగా డేటును వెనక్కి నెట్టేశారని తరువాత తెలసిన విషయమే. ఇకపోతే అనూప్ రూబెన్స్ అందించిన ఈ సినిమా ఆడియో రిలీజ్ ఎప్పుడో మరి? ఎందుకంటే ఆడియో వస్తేనే జనాలకు సినిమా వస్తోందనే కాన్ఫిడెన్స్ పెరిగేది.

అందుకే గత అర్ధరాత్రి దర్శకుడు పూరి జగన్ ''ఇజం'' సినిమా ఆడియో డేటును అఫీషియల్ గా ప్రకటించాడు. అక్టోబర్ 5 సాయంత్రం ఒక గ్రాండ్ ఫంక్షన్లో ఈ సినిమా ఆడియో రాబోతుందట. ఎలాగో సినిమాలో హీరో కళ్యాణ్‌ రామ్ కాబట్టి.. ఖచ్చితంగా ఈ ప్రోగ్రామ్ కు ఎన్టీఆర్ చీఫ్‌ గెస్టుగా వస్తాడని అందరూ అనుకుంటున్నారు. దానికితోడు మొన్న జనతా గ్యారేజ్ సక్సెస్ మీటులో అన్నయ్య వచ్చి తమ్ముడు అభిమానులను ఆకలి తీరిందా అని అడిగాడు కాబట్టి.. ఇప్పుడు తమ్ముడు కూడా అన్నయ్య ఫ్యాన్స్ ను ఆకలి తీర్చుకోమని చెప్పడానికి వచ్చే ఛాన్సుంది.

ఆల్రెడీ ట్రైలర్ తో విపరీతంగా ఆకట్టేసుకున్న ఇజం.. ఇప్పుడు అనూప్ ఇచ్చిన పాటలతో కూడా ఆకట్టుకుంటుందని పూరి ఆశాభావం వ్యక్తం చేస్తున్నాడు. అంతేకాదండోయ్.. ఈ సినిమాలో పూరి రెండు పాటలు స్వయంగా పాడేశాడు కూడా.


Like Us on Facebook : https://www.facebook.com/Tupakidotcom/