ఎగస్ట్రా ట్యాలెంట్ చూపించేసిన కాజల్

ముద్దుగుమ్మలు తమ అందాల ఆరబోతలో తమ ట్యాలెంట్ మొత్తాన్ని ప్రదర్శిస్తుంటారు. సెన్సార్ కి దొరక్కుండా ప్రేక్షకుల కోసం గ్లామర్ ను ధారబోయడంలో బోలెడన్ని టెక్నిక్స్ వీళ్లకు తెలుసుంటాయి. అందం - అభినయంతో ఆకట్టుకున్నాక ప్రేక్షకులను మైమరిపించడానికి కొత్త దారులు వెతుకుతూ ఉంటారు సీనియర్ సుందరీమణులు. అయితే.. ఇలా ప్రేక్షకుల కోసమే కాకుండా.. మొహమాటాల కోసం, ఏదన్నా కొత్తగా ట్రై చేయడం కోసం కూడా ఒక్కోసారి కొత్త అవతారాలు ఎత్తాల్సి వస్తుంది.

ఇప్పుడు కాజల్ కి కూడా అలాంటి అవకాశమే ఒకటి తలుపు తట్టింది. ఈ భామను ఓ పాట పాడాల్సిందిగా మ్యూజిక్ డైరెక్టర్ తెగ మొహమాటపెట్టేశాడు. అది కూడా ఈమె సొంత భాష హిందీ కాదు.. సినిమాలు ఎక్కువగా చేసిన తెలుగు - తమిళ్ అంతకన్నా కాదు. కన్నడ మూవీలో పాట పాడాలని తమన్ అడిగాడు. ఆల్రెడీ ఈ విషయం చెప్పుకున్నాం.శాండల్ వుడ్ సూపర్ స్టార్ పునీత్ రాజ్ కుమార్ నటిస్తున్న చక్రవ్యూహ్ కోసం.. ఇప్పుడు కాజల్ ఓ పాటేసుకుంది. ఈరోజు ఉదయం తమన్‌ బాబు అమ్మడితో ఈ సాంగ్‌ సింగించేశాడట. ఎంతో ఎక్సయిటింగ్‌ గా ఈ పాటను పాడేసిన కాజల్‌.. అదే విషయాన్ని అఫీషియల్‌ గా కన్ఫాం చేసింది కూడా.