తారక్ పవర్ ఫుల్ టైటిల్ మిస్సయ్యాడే

కొన్ని పవర్ ఫుల్ టైటిల్స్ సినిమా మీద బజ్ తీసుకురావడానికి బిజినెస్ కి చాలా హెల్ప్ అవుతాయి. అలాంటి పవర్ ఫుల్ టైటిల్ నే లేటెస్ట్ గా బాలయ్య సినిమాకు పెట్టారు. సౌండింగ్ లోనే పవర్ ఫుల్ అనిపించే ఆ టైటిలే 'రూలర్'. నిజానికి ఇది ఎన్టీఆర్ నటించిన 'దమ్ము' సినిమాలో ఓ పాటలో వచ్చే పదం. అయితే ఆ పదం వల్ల సాంగ్ కూడా బాగా పాపులర్ అయింది.

రాజమౌళి కి కూడా ఆ సాంగ్ అంటే ఇష్టమని అప్పట్లో వెల్లడించాడు కూడా. అయితే అప్పుడి నుండి ఎన్టీఆర్ సినిమా ఏది సెట్స్ పై ఉన్నా ఫ్యాన్స్ ఈ టైటిల్ తోనే ఫ్యాన్స్ మేడ్ పోస్టర్స్ వేసుకొని సంబరపడిపోయే వారు. ఒక టైంలో 'రూలర్' అంటే తారక్ మాత్రమే కనిపించేవాడు. అందుకే ఓ సంస్థ అప్పట్లో ఈ టైటిల్ ను రిజిస్టర్ చేయించింది కూడా.

అయితే అబ్బాయి టైటిల్ ను లేటెస్ట్ సినిమాకు పెట్టేసుకున్నాడు బాలయ్య. ఈ టైటిల్ ఎవరి దగ్గర నుండి తీసుకున్నారో కానీ ఎట్టకేలకు అబ్బాయి పవర్ టైటిల్ ను బాబాయ్ కొట్టేశాడు. మరి ఈ టైటిల్ తో బాలయ్య ఎలాంటి హిట్ అందుకుంటాడో చూడాలి.