జివ్వుజివ్వు అనిపించిన కాటమరాయుడు

పవన్ కళ్యాణ్ లేటెస్ట్ మూవీ కాటమరాయుడు నుంచి లేటెస్టు సాంగ్ వచ్చేసింది. రాజులైనా బంటులైనా.. కూలీలైనా వ్యాపారులైనా.. చీకటైతే చుక్కకోసం.. జివ్వు జివ్వు ఆగునా.. అంటూ సాగిన పవన్ కొత్త పాట సూపర్ గా ఉందనే చెప్పాలి.

ముఖ్యంగా తాగుబోతుల కోసం ప్రత్యేకించి పెట్టిన పాట అనిపించడంలో ఆశ్చర్యం లేదు. ఎందుకంటే.. పాటలో ప్రతీ లైన్ మందు చుట్టూ.. తాగేవాళ్ల చుట్టూనే తిరుగుతూ ఉంటుంది. తాగుబోతుల కోసం స్పెషల్ గా డిజైన్ చేసిన ఈ పాట.. సర్దార్ గబ్బర్ సింగ్ లో మందుబాబులం బాబూ మందు బాబులంను గుర్తు చేస్తుంది. అలాగే మేకింగ్ విజువల్స్ లో చూపించిన పవన్ డ్యాన్స్ ను చూస్తేనే.. అందరి మొహాల్లో నవ్వులు పూయడం ఖాయం. ఇక పూర్తి పాట చూస్తే.. ఫ్యాన్స్ ని మరింత మెప్పించేయడం ఖాయం.

అనూప్ రూబెన్స్ అందించిన ట్యూన్ కూడా బాగా ఆకట్టుకుంటుంది. అయితే.. ఈ పాటకు సంబంధించినంత వరకూ పవన్ చేసే డ్యాన్స్.. చూపించే ఎనర్జీ హైలైట్ కానున్నాయనే చెప్పాలి. ముఖ్యంగా మందుబాబులకు పవన్ మరిచిపోలేని గిఫ్ట్ ఇచ్చేస్తున్నాడు.