కౌశిక్ రెడ్డిపై కఠిన చర్యలు తీసుకోవాలి: జీవిత

సీనియర్ నటి జీవిత తన మరిదిపై కాంగ్రెస్ నాయకుడు కౌశిక్ రెడ్డి దాడి చేసి గాయపరిచారంటూ కేసు నమోదు చేశారు. రాజశేఖర్ తమ్ముడు గుణశేఖర్ రోడ్ నంబర్.45 జూబ్లీ హిల్స్ లో గుణ డైమండ్ జూయలరీ షోరూమ్ నడుపుతాడు. దాడి చేసిన కౌశిక్ రెడ్డి ఎవరో కాదు తెలంగాణా కాంగ్రెస్ అధ్యక్షుడు ఎన్. ఉత్తమ్ కుమార్ రెడ్డికి స్వయనా సోదరుడు.

గుణశేఖర్ షోరూమ్ కు ముందు కార్ పార్కింగ్ విషయంలో ఫిబ్రవరి 2వ తేదీన వివాదం తలెత్తిందని.. తన షోరూమ్ ముందు పార్కింగ్ విషయంపై ప్రశ్నించడంతో కౌశిక్ దాడికి పాల్పడ్డాడని.. ఈ సంఘటనలో గుణశేఖర్ కు తీవ్ర గాయలయ్యాయంటూ జీవిత బంజారా హిట్స్ ఎసీపీ ఆఫీస్ లో కేసు రిజిస్టర్ చేశారు. జరిగిన సంఘటను తన కంప్లయింట్ లో వివరిస్తూ కౌశిక్ రెడ్డిపై కఠిన చర్యలు తీసుకోవాలని జీవిత పోలీసులను కోరారు.

రాజశేఖర్ బర్త్ డే సెలబ్రేషన్స్.. 'కల్కి' టీజర్ విడుదల కార్యక్రమాలలో బిజీగా గడుపుతున్న జీవిత అవన్నీ పూర్తయిన తర్వాత ఎసీపీ ఆఫీసుకు వెళ్ళి కంప్లైంట్ చేశారు. ఈ కేసు విషయంలో కౌశిక్ రెడ్డి స్పందిస్తారో వేచి చూడాలి.