జనతా గ్యారేజ్ పాట లీకైందా?

జూనియర్ ఎన్టీఆర్ - కొరటాల శివ కాంబినేషన్ లో జనతా గ్యారేజ్ మూవీని ప్రతిష్టాత్మకంగా రూపొందిస్తున్నారు. ఆగస్ట్ 12న రిలీజ్ షెడ్యూల్ చేసిన ఈ మూవీకి ఇప్పటికే ఆడియో ఫంక్షన్ కి సంబంధించిన ఏర్పాట్లు జరగాల్సి ఉంది. అయితే.. సినిమాని వాయిదా వేయడంతో పాటు ఇటు ఆడియో లాంఛ్ ని పోస్ట్ పోన్ చేశారు.

ఇప్పుడు జనతా గ్యారేజ్ సాంగ్ అంటూ ఓ పాట ఆన్ లైన్ లో లీక్ అయిందనే వార్తలు హల్ చల్ చేస్తున్నాయి. ఇందుకు తగ్గట్లుగానే ఓ ఆడియో సాంగ్ కూడా నెట్ లో చక్కర్లు కొడుతోంది. దేవిశ్రీ ప్రసాజ్ కంపోజ్ చేయడమే కాదు.. పాడాడని.. ఇదో డ్యూయట్ అని అంటున్నారు. సాంగ్ సూపర్బ్ గా ఉందనే టాక్ వినిపిస్తోంది. ఇప్పటికే లీకుల హంగామాతో మొత్తం సినిమా ఇండస్ట్రీ అంతా గగ్గోలు రేగుతోంది. ఇలాంటి సమయంలో ఎన్టీఆర్ సినిమాలోని పాట.. లీక్ అయిందనే వార్తలు అభిమానులకు షాకింగ్ మారాయి.

పైరసీ భూతాన్ని కట్టడి చేసేందుకు ఎంతగా ట్రై చేసినా.. అంతగా పాకిపోతోందనే విషయం ఇప్పుడీ సాంగ్ లీక్ తో అర్ధమవుతోంది. సినిమా విషయంలో కూడా మేకర్స్ మరిన్ని జాగ్రత్తలు తీసుకోవాలని నందమూరి అభిమానులు కోరుకుంటున్నారు.