జనతా గ్యారేజ్ కి ముంబై లింక్!!

యంగ్ టైగర్ ఎన్టీఆర్ - కొరటాల శివ కాంబినేషన్ లో రూపొందుతున్న జనతా గ్యారేజ్.. ప్రస్తుతం హైద్రాబాద్ లో షూటింగ్ జరుపుకుంటోంది. ఇప్పటికే ఓసారి ముంబై వెళ్లి కీలక సన్నివేశాలను తెరకెక్కించిన యూనిట్.. ఇప్పుడు ముంబైతో మరో లింక్ కూడా పెట్టుకుటోంది. అయితే ఇది స్టోరీకి సంబంధించిన లింక్ కాదు.. ఎక్విప్ మెంట్ కి సంబంధించిన లింక్.

తెలుగు సినిమాల్లో కెమేరా వర్క్ డిఫరెంట్ గా ఉంది అనిపించుకునే సినిమాలు చాలా తక్కువగా ఉంటాయి. సౌత్ లో కూడా ఈ సమస్య ఉంది. రీసెంట్ గా వచ్చిన సూర్య 24 లో.. తన ట్యాలెంట్ చూపించిన తిరు.. జనతా గ్యారేజ్ విషయంలోనూ ప్రత్యేకత చూపిస్తున్నాడట. ఇందుకోసం అత్యంత ఖరీదైన ఎక్విప్ మెంట్ - కెమేరాలు - డాలీలు - గ్రిప్స్ తెప్పిస్తున్నారు. ఇవన్నీ ముంబై నుంచి స్పెషల్ గా జనతా గ్యారేజ్ యూనిట్ దగ్గరకు వస్తున్నాయి.

ఓ తెలుగు మూవీ కోసం ఇప్పటివరకూ ఎవరూ ఉపయోగించని స్థాయిలో కెమేరా ఎక్విప్ మెంట్ ఉపయోగిస్తోంది జనతా గ్యారేజ్ యూనిట్. మూవీలో ప్రతీ ఫ్రేమ్ చూడముచ్చటగా ఆకట్టుకునేలా ఉంటుందిట. సినిమా అద్భుతంగా రావడానికి ఎంత ఖర్చు చేసినా పర్లేదని చెప్పిందట నిర్మాణ సంస్థ మైత్రీ మూవీ మేకర్స్.