చరణ్‌.. ఎన్టీఆర్ ల బర్త్‌ డే గిఫ్ట్ లను రెడీ చేస్తున్న జక్కన్న టీమ్‌

మరో వారం రోజుల్లో మెగా పవర్‌ స్టార్‌ రామ్ చరణ్‌ బర్త్‌ డే రాబోతుంది. దాంతో అభిమానులు అంతా కూడా జక్కన్న వైపు చూస్తున్నారు. గత ఏడాది చరణ్‌ బర్త్‌ డే సందర్బంగా కొమురం భీమ్‌ ఎన్టీఆర్ వాయిస్‌ ఓవర్‌ తో అల్లూరి సీతారామరాజుగా రామ్ చరణ్‌ ను ప్రేక్షకులకు జక్కన్న చూపించాడు. మరి ఈ ఏడాది చరణ్‌ బర్త్‌ డే కు జక్కన్న చూపించబోతున్నది ఏంటీ అంటూ అంతా ఆసక్తిగా ఎదురు చూస్తున్నారు. సినిమా అక్టోబర్ లో ఉంది కనుక ఇప్పటి నుండే ఎందుకు హడావుడి అనుకోకుండా చరణ్‌ బర్త్‌ డే సందర్బంగా ఒక సర్‌ ప్రైజింగ్ గిప్ట్‌ ను జక్కన్న అభిమానుల కోసం ఇవ్వబోతున్నట్లుగా సమాచారం అందుతోంది. ఈనెల 27న చరణ్ బర్త్‌ డే సందర్బంగా ఆర్ఆర్ఆర్ సర్‌ ప్రైజ్ ఖాయం అంటూ ఇండస్ట్రీ వర్గాల వారు అంటున్నారు.

చరణ్‌ బర్త్‌ డే కు మాత్రమే కాకుండా ఆ తర్వాత రాబోతున్న ఎన్టీఆర్ బర్త్ డే కు కూడా జక్కన్న టీమ్‌ సర్‌ ప్రైజ్ ను ప్లాన్ చేస్తున్నట్లుగా సమాచారం అందుతోంది. మే 20వ తారీకున ఎన్టీఆర్‌ బర్త్‌ డే సందర్బంగా జక్కన్న ఇవ్వబోతున్న సర్‌ ప్రైజ్ కోసం నందమూరి అభిమానులు ఇప్పటి నుండే ఆసక్తిగా ఎదురు చూస్తున్నారు. చరణ్‌ బర్త్‌ డే సందర్బంగా ఎలాంటి సర్‌ ప్రైజ్ అయితే రాబోతుందో అలాంటిదే ఖచ్చితంగా ఎన్టీఆర్‌ బర్త్‌ డే సందర్బంగా కూడా వచ్చే అవకాశం ఉంది. అల్లూరి.. కొమురం భీమ్‌ ల పాత్రల్లో కనిపించబోతున్న ఈ ఇద్దరు హీరోల లుక్‌ లు ఇప్పటికే రివీల్‌ అయ్యాయి. మరి బర్త్‌ డేకు జక్కన్న అంతకు మించి ఏమైనా చూపిస్తాడా అనేది చూడాలి.