డ్యాన్స్ ని బ్యాలెన్స్ చేయ‌డ‌మెలా జాన్వీ?

బ్యాలెన్స్ యోగా త‌ర‌హాలోనే బ్యాలెన్సింగ్ డ్యాన్స్ అనేది ఒక ఆర్ట్. ఇదిగో ఇక్క‌డ చ‌క్క‌న‌మ్మ అందులోనే శిక్ష‌ణ పొందుతోంది. డ్యాన్స్ ఎవ‌రైనా చేస్తారు.. ఎంత వేగంగా అయినా చేయ‌గ‌లుగుతారు కానీ.. బ్యాలెన్స్ చేయ‌డం అన్న‌దే టిఫిక‌ల్. కానీ జాన్వీ క‌పూర్ సాధ‌న‌తో ఆ బ్యాలెన్స్ విద్య‌ను ఇట్టే ప‌ట్టేస్తోంది. అందుకు సంబంధించిన ఓ వీడియోని తాజాగా ఇలా సామాజిక మాధ్య‌మాల్లో అభిమానుల ముందుకు వ‌చ్చింది.

వీడియో ఆద్యంతం అద్భుత‌మైన నృత్య విన్యాసాల‌తో జాన్వీ క‌ట్టి ప‌డేస్తోంది. ఇంత‌కీ ఈ ప్రాక్టీస్ దేనికోస‌మో! అంటే త‌ఖ్త్ లాంటి భారీ హిస్టారిక‌ల్ చిత్రంలో నృత్య‌కారిణిగా క‌నిపిస్తున్నందుకేనా అన్న‌ది జాన్వీనే చెప్పాలి. ఇక ఈ వీడియోలో లిరిక్ అంతే ఆక‌ట్టుకుంటోంది. గైడ్‌ సినిమాలోని `పియా తోసే నైనా లాగిరే` అంటూ సాగే గీతం ఇది. ఈ క్లాసిక్ సాంగ్ కి జాన్వీ వయ్యారాలు పోతూ.. పాదం కదిపిన తీరు ఆక‌ట్టుకుంది.

జాన్వీ ప్రస్తుతం తఖ్త్- గుంజాన్ సక్సేనా- రూహీ అఫ్జానా- దోస్తానా 2 చిత్రాలతో బిజీగా ఉంది. త‌ఖ్త్ చిత్రంలో జాన్వీ పాత్ర ఎంతో ఛాలెంజింగ్ అని తెలుస్తోంది. క‌ర‌ణ్ జోహార్ మార్గ‌ద‌ర్శ‌నంలో జాన్వీ రోజురోజుకి షైన్ అవుతున్న తీరు ఆస‌క్తిక‌రం.