మరోసారి జగ్గూభాయ్‌ అక్కడ రచ్చ

ఫ్యామిలీ హీరోగా ఎన్నో సక్సెస్‌ లు అందుకుని చిరంజీవి, బాలకృష్ణ, నాగార్జునలకు సరిసమాన ఇమేజ్‌ తో ఒకప్పుడు వరుసగా భారీ విజయాలను దక్కించుకున్న జగపతిబాబు ఇప్పుడు మాత్రం విలన్‌ వేశాలు వేస్తున్నాడు. ఒకప్పుడు పక్కా ఫ్యామిలీ హీరోల కనిపించిన జగపతిబాబు ఇప్పుడు అత్యంత క్రూరమైన విలన్‌ పాత్రల్లో నటిస్తున్నాడు. తెలుగులో ఇప్పటికే పలు చిత్రాల్లో విలన్‌ పాత్రలను చేసిన జగపతిబాబు మరో వైపు తమిళ సినిమాల్లో కూడా తన సత్తా చాటుతున్నాడు.

తమిళంలో ఇప్పటికే పలు చిత్రాల్లో నటించి మెప్పించిన జగపతిబాబు తాజాగా అజిత్‌ హీరోగా తెరకెక్కిన ‘విశ్వాసం’ చిత్రంలో విలన్‌ గా జగపతిబాబు నటించాడు. భారీ అంచనాలున్న ‘విశ్వాసం’ చిత్రం ట్రైలర్‌ తాజాగా రిలీజ్‌ అయ్యింది. ఆ ట్రైలర్‌ కు మంచి రెస్పాన్స్‌ దక్కింది. అజిత్‌ లుక్‌ చాలా రొటీన్‌ గా ఉందని, విలన్‌ పాత్రలో నటించిన జగపతిబాబు లుక్‌ కు మాత్రం చాలా బాగుందని టాక్‌ వచ్చింది.

‘విశ్వాసం’ చిత్రంలో జగపతిబాబు అత్యంత స్టైలిష్‌ గా, ట్రెండీ విలన్‌ గా కనిపించబోతున్నాడు. ఏ పాత్ర పోషించినా అందులో ఇన్వాల్వ్‌ అవ్వడంతో పాటు, లుక్‌ పరంగా కూడా వావ్‌ అనిపించేలా జగపతిబాబు ఉన్నాడంటూ టాక్‌ వచ్చింది. ‘విశ్వాసం’ సక్సెస్‌ అయితే జగపతిబాబు తమిళంలో స్టార్‌ విలన్‌ అవ్వడం ఖాయం అంటూ తమిళ సినీ విశ్లేషకులు అభిప్రాయం వ్యక్తం చేస్తున్నారు.