లీడ్ రోల్.. 60 ఏళ్ల వృద్ధుడిగా జగ్గూభాయ్!

ఒకప్పుడు ఫ్యామిలీ హీరోగా వరుస సినిమాలు చేసిన జగపతి బాబు, ప్రస్తుతం సౌత్ ఇండస్ట్రీలో విలన్ గా ఫుల్ ఫాంలో ఉన్నాడు. లెజెండ్ సినిమాలో ప్రతినాయకుడి పాత్రలో కనిపించి బీభత్సం సృష్టించిన జగపతి వరుసపెట్టి తెలుగు - తమిళ - కన్నడ భాషల్లో భారీ చిత్రాల్లో విలన్ గా నటిస్తున్నాడు. ఒక్కమాటలో చెప్పాలంటే విలన్ గా టర్న్ తీసుకున్న తర్వాత జగపతిబాబు రేంజ్ పూర్తిగా మారిపోయింది. స్టార్ హీరోలతో సమాన హోదానూ - రెమ్యునరేషన్ నూ మెయింటైన్ చేస్తున్న జగ్గూభాయ్ చాలా గ్యాప్ తర్వాత మరోసారి లీడ్ రోల్ చేస్తున్నారట. అయితే లీడ్ రోల్ అంటే హీరో కాదని, లీడ్ రోలే అని గట్టిగా చెబుతున్నాడు జగపతి.

ఇప్పటికే ఈ విషయాన్ని జాగ్వర్ ఆడియో రిలీజ్ సందర్భంగా ప్రకటించిన జగపతిబాబు... కర్ణాటక మాజీ ముఖ్యమంత్రి కుమారస్వామి నిర్మాణంలో హీరోగా ఓ సినిమా ఉంటుందని అన్నారు. అయితే తాజాగా ఆ సినిమాకు సంబందించిన మరిన్ని వివరాలను జాగ్వర్ సక్సెస్ మీట్ లో వెల్లడించారు. అయితే ఈ సినిమాలో తాను 60 ఏళ్ల వృద్ధుడిగా కనిపించబోతున్నానని.. ఇది చాలా వైలెంట్ పాత్ర అని.. ప్రస్తుతం ఈ సినిమాకు సంబందించిన పని కూడా జరుగుతుందని జగపతి తెలిపారు. తాను లీడ్ రోల్ లో తెరకెక్కనున్న ఆ సినిమాకు తాను నిర్మాణ భాగస్వామిగా కూడా ఉంటున్నానని, ఆ సినిమాను జగపతి ఆర్ట్ పిక్చర్స్ - చెన్నాంభిక ఫిలింస్ సంయుక్తంగా నిర్మిస్తాయని జగపతి బాబు ప్రకటించారు.



Like Us on Facebook : https://www.facebook.com/Tupakidotcom/