లాస్ట్ మంత్.. రజినీకాంత్ వచ్చేస్తున్నాడు

కరోనావైరస్ మహమ్మారి ప్రపంచాన్ని అతలాకుతలం చేసినప్పటి నుంచి సినీ ఇండస్ట్రీ మొత్తం మూతపడింది. సూపర్ స్టార్ రజనీకాంత్ సైతం సినిమాలకు బ్రేక్ నిచ్చాడు. అతని రాబోయే చిత్రం ‘అన్నాట్టే’ బృందం కూడా షూటింగ్ ను నిరవధికంగా నిలిపివేసింది. రజనీకాంత్ త్వరలో దాన్ని తిరిగి ప్రారంభించే మూడ్ లో లేడని తాజాగా వార్తలు వచ్చాయి..

అయితే సూపర్ స్టార్ రజనీకాంత్ అభిమానులను ఉత్సాహపరిచే వార్త ఒకటి తాజాగా బయటకు వచ్చింది. ‘అన్నాట్టే’ షూటింగ్ ఎప్పుడు ప్రారంభమవుతుందో తేదిని నిర్ణయించనప్పటికీ.. త్వరలోనే షూటింగ్ ప్రారంభించేందుకు యూనిట్ రెడీ అవుతున్నట్టు తెలుస్తోంది. మూవీ మేకర్స్ ఒక నెల షెడ్యూల్‌ ను ప్లాన్ చేస్తున్నట్టు తెలిసింది. ఈ ఒక నెల షూటింగ్ పూర్తయితే చిత్రం మొత్తం షూట్ అయిపోతుందని తెలిసింది. ప్రస్తుతం దీనికి సంబంధించిన సెట్ వేసే పనులు హైదరాబాద్ లోని రామోజీ ఫిల్మ్ సిటీలో జరుగుతున్నాయని సమాచారం..

రజనీకాంత్ షూటింగ్ తేదీని ప్రకటించగానే చివరి షెడ్యూల్ ను పూర్తి చేయడానికి సెట్ కు వస్తాడని యూనిట్ తెలిపింది.. మిగతా యాక్టర్ల డేట్స్ కూడా తీసుకున్నట్టు తెలిసింది. తద్వారా కొత్త షెడ్యూల్ ఇక ఆలస్యం చేయకుండా పూర్తి చేయాలని భావిస్తున్నారు.

దీంతో ఈ మూవీ పూర్తి చేయడంతోపాటు కొత్త సినిమాలకు, రాబోయే తమిళనాడు ఎన్నికలకు సన్నాహాలు చేయడానికి రజనీకాంత్‌కు కూడా ఉపయోగపడుతుంది. అందుకే సూపర్ స్టార్ ఈ షూటింగ్ ను కంప్లీట్ చేయాలని భావిస్తున్నట్టు సమాచారం.

అన్నాట్టే తమిళనాడులోని లోతట్టు ప్రాంతాలలో నిర్మించిన గ్రామీణ నేపథ్యం ఉన్న కథ. సుదీర్ఘ గ్యాప్ తరువాత, రజనీకాంత్ మళ్లీ షూటింగ్ కు రాబోతున్నాడు.విశ్వాసం సినిమా ఫేం శివ ఈ చిత్రానికి దర్శకత్వం వహిస్తున్నాడు. కీర్తి సురేష్, నయనతార, మీనా.. ఖుష్బూ ప్రధాన పాత్రల్లో నటించిన ఈ నాటకాన్ని సన్ పిక్చర్స్ నిర్మిస్తోంది.