రెడ్ సినిమా రామ్ కి ఎంతో ప్రత్యేకం..దానికి ఇదే కారణం

'ఇస్మార్ట్ శంకర్' సూపర్ హిట్ తో రామ్ జోరుమీద ఉన్నాడు. అదే జోరులో రెడ్ సినిమాను కూడా కంప్లీట్ చేశాడు. సినిమా వేసవిలోనే విడుదల కావాల్సి ఉండగా.. కరోనా కారణంగా థియేటర్లు మూతపడి విడుదల ఆగిపోయింది. ఈ సినిమా తో పాటు షూటింగ్ కంప్లీట్ చేసుకున్న చాలా సినిమాలు థియేటర్లలో విడుదలకు అవకాశం లేకపోవడంతో ఓటీటీ ద్వారా రిలీజ్ చేశారు. కానీ రామ్ మాత్రం ఎంత లేట్ అయినా సరే ఈ సినిమాని థియేటర్లలోనే విడుదల చేయాలని ఆసక్తి చూపిస్తున్నారు. ఈ సినిమాను తమిళ మలయాళ భాషల్లో కూడా విడుదల చేస్తున్నారు. అయితే ఆ భాషల్లో అనుకున్నంత స్థాయిలో ఓటీటీ కి డీల్ కుదరక పోవడమూ ఓ కారణమే.ఈ సినిమాను థియేటర్లలోనే విడుదల చేయడానికి నిర్మాత స్రవంతి రవికిషోర్ సన్నాహాలు చేస్తున్నారు.

మలయాళంలో తెలుగు హీరోలకు మంచి ఆదరణ దక్కుతుండడంతో మలయాళ వెర్షన్ కి రామ్ డబ్బింగ్ చెప్పారట.రామ్ -కిశోర్ తిరుమల కాంబినేషన్ లో నేను శైలజ, ఉన్నది ఒకటే జిందగీ సినిమాలు ఇదివరకే రాగా ఇది వారిద్దరికీ హ్యాట్రిక్ మూవీ. ఈ రెండు సినిమాలు హిందీ డబ్బింగ్ వెర్షన్లు అక్కడ జనాలకు విపరీతంగా నచ్చడంతో ఈసారి కూడా తమ కాంబినేషన్ వర్కవుట్ అవుతుందని రామ్ భావిస్తున్నారు. కాగా రెడ్ సినిమాకు రామ్ కెరీర్ లోనే ఎంతో ప్రత్యేకత ఉంది. ఎందుకంటే ఈ సినిమా కోసం రామ్ మొదటి సారి ద్విపాత్రాభినయం చేస్తున్నారు. ఈ రెండు పాత్రలకు సంబంధించి ఇప్పటికే విడుదలైన ఫస్ట్ లుక్, టీజర్ విడుదల కాగా అభిమానులకు, ప్రేక్షకులకు బాగా నచ్చాయి. రామ్ మొదటి సారి రెండు విభిన్న పాత్రల్లో నటిస్తుండటంతో ఈ సినిమాకు అటు ప్రేక్షకుల్లో, ట్రేడ్ లో కూడా మంచి అంచనాలు ఉన్నాయి.