అప్పుడే యువసేన ఏంటి నాయనా!!

ఇప్పటివరకు ఇంకా ఒక్క సినిమా కూడా హిట్టే పడలేదు. నిన్ననే తొలి సినిమా విడుదలైంది. అప్పుడే మనోడికి యువసేనలూ అభిమాన సంఘాలూ అంటే కాస్త హాస్యాస్పదంగా లేదు? కాని ఏం చేస్తాం.. ఇక్కడ మాత్రం ఫ్లెక్సీలు కట్టేసి.. కటౌట్లు పెట్టేసి.. పెద్ద పెద్ద బ్యానర్లు వేసేసి.. హడావుడి చేస్తున్నారు అభిమానులు.

''రోగ్'' సినిమాతో పరిచయం అయ్యాడు హీరో ఇషాన్. ప్రముఖ నిర్మాత సి.ఆర్.మనోహర్ కు ఈయన తనయుడు. (ఈ మధ్యనే మనోడు కొడుకు కాదు కజిన్ అంటున్నారులే). అయితే ఈ తొలిసినిమాతో కుర్రాడు పెద్దగా ఇంప్రెస్ చేసిందేమీ లేదు. కాని అప్పుడే మనోడి కోసం ధియేటర్ల దగ్గర.. ''యువ హీరో ఇషాన్ యువసేన'' అంటూ కటౌట్లు పెట్టేశారు. స్వతాహాగా కన్నడిగుడు అయిన ఇషాన్.. ఆ బోర్డుల్లో తన ఫోటోను చూసుకుని సంబరపడటమే కాని.. ఖచ్చితంగా ఆ తెలుగు అక్షరాలను మాత్రం చదవలేదు. ఆ విధంగా మనోడ్ని ఒక సూర్య రేంజులో ప్రమోట్ చేస్తున్నారు.

నిజానికి ఏదన్నా ఫ్యామిలీ బ్యాక్ డ్రాప్ తో వచ్చిన హీరోలకు ఇలాంటి కటౌట్లు చూస్తుంటాం. వాళ్లకంటే డీఫాల్ట్ సెట్ అభిమానులు ఉంటారు కాబట్టి.. అలాంటి కటౌట్లు ఎన్ని కట్టినా కూడా కాస్త నమ్మశక్యంగా ఉంటాయ్. కాని కేవలం ప్రొడ్యూసర్ గా మాత్రమే పరిచయమైన సి.ఆర్.మనోహర్ ఫ్యామిలీ నుండి వచ్చిన యంగ్ హీరోకు.. ఇలాంటి ఆర్భాటాలు సెట్టవుతాయా?

Like Us on Facebook : https://www.facebook.com/Tupakidotcom/