కేజీఎఫ్‌2 కు ఇక్కడ అంత సాధ్యమేనా?

యశ్‌ హీరోగా ప్రశాంత్ నీల్ దర్శకత్వంలో వచ్చిన కేజీఎఫ్ మూవీ తెలుగులో నిర్మాత సాయి కొర్రపాటి డబ్బింగ్‌ రైట్స్ ను రూ.5 కోట్లకు కొనుగోలు చేసి దాదాపుగా రూ.15 కోట్ల లాభాలను దక్కించుకున్నట్లుగా ఇండస్ట్రీ వర్గాల టాక్‌. ఇక ప్రస్తుతం కేజీఎఫ్‌ 2 అత్యంత ప్రతిష్టాత్మకంగా భారీ బడ్జెట్ తో నిర్మిస్తున్నారు. ఈ సినిమాకు సౌత్‌ ఇండియాలోనే కాకుండా మొత్తం దేశ వ్యాప్తంగా అంచనాలు ఆకాశాన్ని తాకేలా ఉన్నాయి. అంచనాలకు తగ్గట్లుగా ఉంటుందని ఇటీవల విడుదల అయిన టీజర్‌ ను చూస్తుంటే అనిపిస్తుంది. మొన్నటి వరకు కేజీఎఫ 2 సినిమా తెలుగు రైట్స్‌ 40 నుండి 50 కోట్ల వరకు పలికే అవకాశం ఉంది అంటూ ప్రచారం జరిగింది. టీజర్‌ వచ్చిన తర్వాత ఆ మొత్తం మరింతగా పెరిగింది.

కేజీఎఫ్‌ 2 తెలుగు డబ్బింగ్‌ రైట్స్ ను ప్రముఖ నిర్మాతలు డిస్ట్రిబ్యూషన్‌ సంస్థలు కొనుగోలు చేసేందుకు సిద్దంగా ఉన్నాయి. కనుక నిర్మాతలు ఇప్పుడు ఏకంగా రూ.60 కోట్లకు పైగా ఆశిస్తున్నట్లుగా తెలుస్తోంది. తెలుగులో ఈ సినిమా ఏకంగా 60 కోట్ల బిజినెస్ చేస్తే అంత రిటర్న్‌ సాధ్యమా అంటూ ఇండస్ట్రీ వర్గాల వారు మరియు మీడియా సర్కిల్స్‌ లో అనుమానాలు వ్యక్తం అవుతున్నాయి. కేజీఎఫ్‌ 2 పై తెలుగు ప్రేక్షకుల్లో కూడా అంచనాలు ఆకాశాన్ని తాకేలా ఉన్నాయి. కాని ఒక డబ్బింగ్‌ సినిమా ఈ రేంజ్‌ లో వసూళ్లు సాధించడం అనుమానమే అంటున్నారు. అయితే రజినీకాంత్‌ వంటి స్టార్‌ హీరోల సినిమాలకు అది సాధ్యం అయ్యింది. కాని ఈ సినిమా పరిస్థితి ఏంటీ అనేది మాత్రం విడుదల తర్వాత క్లారిటీ వచ్చే అవకాశం ఉంది.