హీరో, నిర్మాత మద్య దోబూచులాట

ప్రస్తుతం టాలీవుడ్‌ లో మోస్ట్‌ వాంటెడ్‌, యూత్‌ లో యమ క్రేజ్‌ ఉన్న హీరో అతడు. తాజాగా కూడా ఒక చిత్రంతో ప్రేక్షకుల ముందుకు వచ్చాడు. మరో వైపు అతడు ఇప్పటికే రెండు సినిమాలకు కమిట్‌ అయ్యి ఉన్నాడు. ఆ రెండు సినిమాలు షూటింగ్‌ దశలో ఉన్నాయి. ఇదే సమయంలో ఆ హీరో వద్దకు పలువురు నిర్మాతలు డేట్ల కోసం వస్తూనే ఉన్నారు. తాజాగా ఒక టాలీవుడ్‌ టాప్‌ నిర్మాత ఒకరు ఆయన వద్దకు వెళ్లాడట. ఆ నిర్మాత బ్యానర్‌ లో సినిమాలు చేయాలని ప్రతి ఒక్క హీరో అనుకుంటారు.

స్టార్‌ హీరోలు సైతం ఆ నిర్మాతకు నో చెప్పలేని పరిస్థితి. అలాంటి నిర్మాతకు ఈ క్రేజీ హీరో దూరంగా ఉంటున్నాడు. కారణాలు చెప్పకుండానే సినిమా విషయం తెస్తే తర్వాత చూద్దాం అంటూ సమాధానం దాట వేస్తున్నాడట. ఒక మంచి కథతో వెళ్లినా కూడా ఆ నిర్మాతకు డేట్లు ఇచ్చేందుకు సదరు హీరో ఆసక్తిగా లేడని తెలుస్తోంది. అదే కథతో మరే నిర్మాత అయినా వెళ్లి ఉంటే వెంటనే ఓకే చెప్పే వాడని కూడా అంటున్నారు.

ఆ నిర్మాత మరియు హీరోల మద్య ప్రస్తుతం దోబూచులాట జరుగుతుంది. డైరెక్ట్‌ గా నిర్మాతకు హీరో నో చెప్పడం లేదు. నిర్మాత మాత్రం వదలడం లేదు. ఆ క్రేజీ హీరోతో సినిమా నిర్మించి క్యాష్‌ చేసుకోవాలని ఆయన తాపత్రయం. కాని ఆ హీరో మాత్రం చిక్కడం లేదు. ఇంతకు ఆ నిర్మాతకు హీరో దూరంగా ఉండటంకు కారణం ఏంటీ అనే విషయమై ప్రస్తుతం సినీ వర్గాల్లో చర్చ జరుగుతోంది. ఈ నిర్మాత మాత్రం ఆ హీరో కోసం గట్టిగానే ప్రయత్నిస్తున్నాడు.