ఆ క్రికెటర్ కు చైతూ హీరోయిన్ క్లీన్ బౌల్డ్

భారత దేశంలో క్రికెట్ ఆటకుండే క్రేజ్ అంతా ఇంతా కాదు. క్రికెటర్లకుండే ఫ్యాన్స్ సినిమా స్టార్లకేమీ తీసిసోదు. క్రికెటర్ల చూపులకు క్లీన్ బౌల్డ్ అయిన హీరోయిన్లు చాలామందే ఉన్నారు. చాలాకాలంపాటు ప్రేమ పక్షుల్లా తిరిగిన క్రికెటర్ విరాట్ కోహ్లీ - బాలీవుడ్ బ్యూటీ అనుష్క శర్మ ఈమధ్యనే పెళ్లి చేసుకుని మ్యారీడ్ లైఫ్ స్టార్ట్ చేశారు.

తాజాగా ఇంకో బాలీవుడ్ హీరోయిన్ ఓ క్రికెటర్ లవ్ మునిగి తేలుతోంది. బెంగుళూరు నుంచి వచ్చిన నిధి అగర్వాల్ మున్నా మైఖేల్ సినిమాతో బాలీవుడ్ లో అడుగుపెట్టింది. ఈ సినిమా పెద్దగా ఆడకపోవడంతో నిధికి పెద్దగా ఆఫర్లు రాలేదు. కానీ ఆమె అందానికి మంచి గుర్తింపు వచ్చింది. అందుకే చందు మొండేటి డైరెక్షన్ లో నాగచైతన్య హీరోగా నటిస్తున్న సవ్యసాచి సినిమాలో ఆమెను హీరోయిన్ గా తీసుకున్నారు. ఈ బ్యూటీ ఇప్పుడు కర్ణాటకకు చెందిన యంగ్ క్రికెటర్ కె.ఎల్.రాహుల్ తో చెట్టపట్టాలేసుకుని తిరుగుతూ కనిపిస్తోంది. రాహుల్ ఐపీఎల్ లో పెద్దగా రాణించలేకపోయినా మిడిల్ ఆర్డర్ బ్యాట్స్ మెన్ గా బాగానే గుర్తింపు తెచ్చుకుంటున్నాడు.

రాహుల్ - నిధి ఇద్దరూ బెంగుళూరు నుంచి వచ్చిన వారే. ఒకే ప్రాంత నుంచి వచ్చిన వారు కావడంతో వీళ్లిద్దరూ తొందరగా కలిసిపోయారనేది బాలీవుడ్ టాక్. ముంబయి పార్టీలు డిన్నర్లలో కలిసే కనిపిస్తున్న ఈ జంట అందరి దృష్టినీ ఆకర్షిస్తోంది. ఇప్పటికైతే తమ రిలేషన్ షిప్ గురించి ఏమీ బయటపెట్టలేదు. ముందుముందు వీరి బంధం ఎంతవరకు బలపడుతుందో చూడాలి.