ఇలియానా.. ఏదో తేడాగా ఉందే

ప్రస్తుతం బాలీవుడ్లో ఉన్న గ్లామర్ హీరోయిన్ల ముందు గోవా భామ ఇలియానా అంత ఆనదనే చెప్పాలి. వాళ్లతో పోలిస్తే ఇల్లీ బేబీకి సొగసులు కొంచెం తక్కువే. అసలే కెరీర్ కొంచెం డల్లుగా సాగుతుంటే.. 30 ప్లస్‌ లోకి పడిపోవడం వల్ల నెమ్మదిగా అమ్మడి గ్లామర్ తేడా కొట్టేస్తూ ఉంది. కత్రినా కైఫ్ లాంటి వాళ్ల లాగా గ్లామర్ మెయింటైన్ చేయలేకపోతోంది ఇల్లీ. ఇలాంటి తరుణంలో ఇలియానా ‘బాద్షాహో’ సినిమా కోసం ఎత్తిన కొత్త అవతారం చూసి అందరూ షాకవుతున్నారు. అందులో ఆమెది ఏదో క్వీన్ రోల్ అంటున్నారు. ఐతే ఆమెది మిడిలేజ్డ్ క్వీన్ రోలా అని సందేహం కలిగేలా ఉంది ఇల్లీ లుక్.

ఇలియానా గ్లామర్ ఇమేజ్‌ ను దెబ్బ తీసేలా ఉంది ‘బాద్షాహో’లో ఆమె రోల్. గ్లామర్ హీరోయిన్లు ఒక్కసారి ఇలాంటి రోల్స్ వేశారంటే.. ఇక వరుసగా అలాంటి రోల్సే వస్తాయి. సెక్సీ క్యారెక్టర్లకు సెలవిచ్చేయాల్సి ఉంటుంది. డిమాండ్ ఆటోమేటిగ్గా తగ్గిపోతుంది. ఇలియానా కెరీర్ అసలే అంతంతమాత్రంగా ఉండగా.. ఇలాంటి పాత్ర ఎందుకొప్పుకుందో అని ఆమె అభిమానులు ఫీలవుతున్నారు. ఐతే గత ఏడాది ‘రుస్తుమ్’లో పెర్ఫామెన్స్ ఓరియెంటెడ్ రోల్ తో మెప్పించిన ఇల్లీ.. ఇకపైనా అదే తరహా క్యారెక్టర్లకు పరిమితం అయిపోదామనుకుందో ఏమో.. ‘బాద్షాహో’లో ఇలాంటి క్యారెక్టర్ చేస్తున్నట్లుంది. మిలన్ లూథ్రియా దర్శకత్వంలో రూపొందుతున్న ‘బాద్షాహో’లో అజయ్ దేవగన్ హీరోగా నటిస్తున్నాడు. సెప్టెంబరు 1న ఈ చిత్రం ప్రేక్షకుల ముందుకొస్తుంది.

Like Us on Facebook : https://www.facebook.com/Tupakidotcom/