సీక్వెల్ పై క్రేజ్ ఎలా ఉందంటే.. ఫ్యాన్ మేడ్ పోస్టర్ చూస్తే అర్ధమవుతుంది..!

కొన్ని కాంబినేషన్స్ సినిమాలు చాలా క్రేజీగా ఉంటాయి. అవి అలా సెట్ అయితే చాలు సినిమా తప్పకుండా ప్రేక్షకులను అలరిస్తుందని నమ్ముతుంటారు. కార్తీ మొదటి సినిమా తెలుగు వారికి పరిచయమైన సినిమా యుగానికి ఒక్కడు. సెల్వ రాఘవన్ డైరెక్షన్ లో వచ్చిన ఆ సినిమాకు తెలుగులో సూపర్ ఫ్యాన్స్ ఉన్నారు. చాలా ఏళ్ల తర్వాత యుగానికి ఒక్కడు సినిమాకు సీక్వెల్ ప్రకటించారు సెల్వ రాఘవన్. అయితే ఆ సీక్వెల్ లో హీరోని మార్చేశాడు.

కార్తీకి బదులుగా ధనుష్ ని హీరోగా తీసుకున్నారు. యుగానికి ఒక్కడు 2 సినిమాలో ధనుష్ హీరోగా నటిస్తున్నాడని ప్రకటించారు. ఆ టైం లో కార్తీ ఫ్యాన్స్ కొద్దిగా అప్సెట్ అయ్యారు. లేటెస్ట్ గా యుగానికి ఒక్కడు 2 ఫ్యాన్ మేడ్ పోస్టర్ ఒకటి సిద్ధం చేశారు. అందులో ధనుష్ తో పాటుగా కార్తీ కూడా ఉండేలా పోస్టర్ డిజైన్ చేశారు. ఒకవేళ సెల్వ రాఘవన్ ఇలా ఏమైనా కార్తీ పాత్రని సీక్రెట్ గా ప్లాన్ చేశారా అన్నది తెలియదు కానీ ఈ ఫ్యాన్ మేడ్ పోస్టర్ మాత్రం అదిరిపోయింది.

సోషల్ మీడియాలో ఎక్కడ చూసినా యుగానికి ఒక్కడు 2 ఫ్యాన్ మేడ్ పోస్టర్ గురించి డిస్కషన్స్ చేస్తున్నారు. ఈ సీక్వెల్ భారీ రేంజ్ లో ఉండబోతుందని అర్ధమవుతుంది. ధనుష్ తో పాటు కార్తీ కూడా ఈ సినిమాలో ఉంటే మాత్రం ఆ లెక్క వేరేలా ఉంటుంది. ధనుష్, కార్తీ ఇద్దరికి తెలుగులో కూడా సూపర్ ఫ్యాన్స్ ఉన్నారు. కాబట్టి యుగానికి ఒక్కడు 2 ఈసారి సెన్సేషన్ సృష్టించడం ఖాయమని చెప్పొచ్చు.

ఈ సినిమా కేవలం తెలుగు, తమిళం మాత్రమే కాదు పాన్ ఇండియా లెవల్లో భారీ రిలీజ్ ప్లాన్ చేస్తున్నారు. సెల్వ రాఘవన్ ఈ సినిమా కోసం బాగా కష్టపడుతున్నట్టు తెలుస్తుంది. సినిమాని 2024లో రిలీజ్ ప్లాన్ చేస్తున్నారని తెలుస్తుంది. కార్తీ, ధనుష్ ఇద్దరు తమ తమ సినిమాలతో సూపర్ ఫాం లో ఉండగా నిజంగానే యుగానికి ఒక్కడు 2 లో కార్తీ ఉంటే మాత్రం ఆ సినిమాకు మరింత హైప్ వచ్చే ఛాన్స్ ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.