ఆక్సిజన్ లో అవే హైలైట్ అంటున్నారు

గోపీచంద్.. రాశి ఖన్నా జంటగా నటించిన మూవీ ఆక్సిజన్. ఈ చిత్రం చాలా క్రితమే షూటింగ్ ప్రారంభించుకున్నా.. పలు కారణాలతో ఇప్పటివరకూ ఆలస్యం అవుతూ వచ్చింది. ఇప్పుడీ ఆక్సిజన్ చిత్రం రిలీజ్ కి రెడీ అయిందని దర్శకుడు జ్యోతికృష్ణ చెబుతున్నాడు.

'ఆక్సిజన్ లో దాదాపు 90 నిమిషాల పాటు విజువల్ ఎఫెక్ట్స్ ఉంటాయి. మూవీకి ఇవే హైలైట్ గా నిలుస్తాయి. కేవలం వీటి కోసమే 4 నెలలకు పైగా సమయం కేటాయించాల్సి వచ్చింది. స్టోరీకి అనుగుణంగా వచ్చే ఈ గ్రాఫిక్ సీక్వెన్స్ లు అద్భుతంగా వచ్చాయి. వీటితో పాటు యాక్షన్ ఎపిసోడ్స్ చిత్రానికి మరో హైలైట్. హై ఓల్టేజ్ యాక్షన్ సీన్స్ ప్రేక్షకులను కచ్చితంగా ఆకట్టుకుంటాయి. ఆక్సిజన్ మూవీని విజువల్ ఎఫెక్ట్స్.. యాక్షన్ సీక్వెన్స్ లు ఓ స్థాయికి తీసుకెళతాయి' అని చెప్పాడు దర్శకుడు జ్యోతికృష్ణ.

ఏఎం రత్నం నిర్మాణంలో రూపొందిన ఈ చిత్రాన్ని సమ్మర్ స్పెషల్ గా రిలీజ్ చేయనున్నారు. మే నెలలో ఈ మూవీని విడుదల చేయబోతున్నట్లు దర్శక నిర్మాతలు చెబుతున్నారు. మే మూడో వారం నాటికి బాహుబలి సందడి కాసింత నెమ్మదించే అవకాశం ఉండడంతో.. ఆ సమయానికల్లా ఆక్సిజన్ థియేటర్లలో సందడి చేయనుంది.


Like Us on Facebook : https://www.facebook.com/Tupakidotcom/