కృష్ణగాడి హీరోయిన్.. అబ్బే కాదట

అ..ఆ మూవీ తర్వాత సినిమాల ఎంపిక విషయంలో నితిన్ జాగ్రత్తగా ఉంటున్నాడు. దర్శకుడు.. హీరోయిన్ అంశాల్లో కూడా బాగా ఎలర్ట్ గా డెసిషన్స్ తీసుకుంటున్నాడు. క్రేజ్ ఉన్న డైరెక్టర్.. హీరోయిన్ లనే ఎంపిక చేసుకుంటూ ట్రెండీగా ఉండేందుకు ట్రై చేస్తున్నాడు.

ప్రస్తుతం హను రాఘవపూడి దర్శకత్వంలో తెరకెక్కుతున్న మూవీ 'లై' షూటింగ్ లో ఉన్నాడు నితిన్. రెండున్నర నెలల పాటు అమెరికాలో మకాం వేసేయగా.. హైద్రాబాద్ తిరిగొచ్చాక చిన్నపాటి షెడ్యూల్ తోనే ఈ సినిమా పూర్తయిపోనుంది. ఆ తర్వాత లిరిక్ రైటర్ నుంచి దర్శకుడిగా మారిన కృష్ణ చైతన్య డైరెక్షన్ లో నితిన్ ఓ మూవీ చేయనున్నాడు. ఇందులో కృష్ణగాడి వీర ప్రేమగాధ ఫేమ్ మెహ్రీన్ కౌర్ ను హీరోయిన్ గా తీసుకోబోతున్నారని.. ఇప్పటికే ఆమెతో డిస్కషన్స్ పూర్తికాగా.. త్వరలోనే అగ్రిమెంట్ పనులు చేయనున్నారని.. ఒక ప్రముఖ ఇంగ్లీష్‌ పత్రిక చెప్పుకొచ్చింది.

అయితే మెహ్రీన్ కౌర్ ను ఈ సినిమాలోకి హీరోయిన్ గా తీసుకోలేదని తెలుస్తోంది. ప్రస్తుతం అమెరికాలో లొకేషన్ల కోసం రెక్కీ చేస్తున్న దర్శకుడు కృష్ణ చైతన్య ఇండియా తిరిగొచ్చాక.. అప్పుడు ఈ విషయంపై ఒక క్లారిటీ వచ్చే ఛాన్సుంది. సో.. ఇంతకీ నితిన్ కొత్త సినిమాలో హీరోయిన్ ఎవరబ్బా??

Like Us on Facebook : https://www.facebook.com/Tupakidotcom/