వామ్మో.. అప్పుడే బన్నీకి పోటీ ఇస్తున్న పవర్ స్టార్ తనయుడు

ఏప్రిల్ 8.. ఈ రోజు సినీ ఇండస్ట్రీకి సంబంధించిన ముగ్గురు వారసుల పుట్టినరోజు. వాళ్లలో ఇద్దరు అల్రెడీ టాలీవుడ్ కి పరిచయమైన తమ హవా కొనసాగిస్తున్న వారు కాగా మరొకరు ఇంకా ఇండస్ట్రీ లో అడుగు పెట్టలేదు. మరో విశేషమేంటంటే వాళ్ళ పేర్లు కూడా ఒకే అక్షరంతో స్టార్ట్ అవడం. వాళ్ళు ఎవరో కాదు.. అల్లు అర్జున్, అఖిల్ అక్కినేని, అకీరా నందన్. వీరిలో అల్లు అర్జున్, అకీరా విషయానికొస్తే ఇద్దరూ మెగా ఫ్యామిలీ వారసులే. రేణుదేశాయ్ పవన్ కళ్యాణ్ ల ముద్దుల తనయుడు అకీరా నందన్. కానీ స్టైలీష్ స్టార్ అల్లు అర్జున్ క్రేజ్ వేరు.. పవన్ కళ్యాణ్ తనయుడిగా అకీరా నందన్ క్రేజ్ వేరు. అయినా సరే వీరిద్దరు ఓ విషయంలో పోటీ పడుతున్నట్టు కనిపిస్తోంది. ఇంకా ఒక్క సినిమా కూడా చేయని అకీరాకు సోషల్ మీడియాలో ఉండే క్రేజే వేరు. అలాంటి వీరి పుట్టిన రోజు అనేది నేషనల్ వైడ్ హాట్ టాపిక్ అవుతోంది. ఈ రోజు వీరి బర్త్ డే కావడంతో సోషల్ మీడియాలో అల్లు అర్జున్, అకీరా నందన్‌ పై పుట్టిన రోజు శుభాకాంక్షలు వెల్లువెత్తుతున్నాయి. ఫ్యాన్స్ విషెస్, ట్వీట్స్‌ కు దెబ్బకు దేశవ్యాప్తంగా ట్రెండింగ్‌ లోకి వచ్చేశాయి.

దేశంలో ప్రస్తుతం ఎన్ని సమస్యలున్నా.. వీరిద్దరి బర్త్ డేలు ట్రెండింగ్ అవ్వడం హాట్ టాపిక్‌గా మారాయి. అయితే ఈ మేరకు బన్నీ ఫ్యాన్స్ చేస్తున్న రచ్చకు దెబ్బకు #HappyBirthdayAlluArjun అనే హ్యాష్ ట్యాగ్ జాతీయ స్థాయి లో మొదటి స్థానంలో ట్రెండ్ అవ్వగా.. #HBDAkiraNandan ట్రెండింగ్ లో నాలుగో స్థానంలో ఉంది. ఇంకా ఇండస్ట్రీలో అడుగు పెట్టకుండానే అల్లు అర్జున్ కి పోటీ ఇస్తున్నాడని అభిమానులు తెగ ఖుషీ అవుతున్నారట. ఈ లెక్కన అకీరా నందన్ ఫాలోయింగ్ ఏ రేంజ్‌లో ఉందో ప్రత్యేకంగా చెప్పనక్కర్లేదు. పవన్ కళ్యాణ్ తనయుడు అకీరా నందన్ అక్కడక్కడా కనిపిస్తేనే ఈ రేంజ్ ఫాలోయింగ్ వచ్చేసింది. అలాంటిది పూర్తిగా వెండితెరపై కనిపిస్తే ఇంకేమైనా ఉంటుందా అని అందరూ అనుకుంటున్నారు. ఏదేమైనా సోషల్ మీడియాలో అకీరా ఫాలోయింగ్ చూస్తే ఎవరికైనా ఆశ్చర్యం కలగక మానదు. ఇదిలా ఉండగా ఏప్రిల్ 8 తనకు ఎంతో ప్రత్యేకమైన రోజని చిరంజీవి ప్రకటించగా, అల్లు అర్జున్ తన బర్త్ డే సందర్భంగా 'పుష్ప' పోస్టర్ రిలీజ్ చేసాడు. ఇంక సోషల్ మీడియాలో బన్నీ, అకీరా బర్త్ డే ట్రెండ్.. ఇలా చూసుకుంటే మెగా అభిమానులకు ఈ రోజు పండగనే చెప్పొచ్చు. ఇప్పుడు లేటెస్టు గా మెగాస్టార్ చిరంజీవి కూడా ట్విటర్ వేదికగా అకిరా మరియు అల్లు అర్జున్ లకు బర్త్ డే విషెస్ చెప్పారు.