ఆ కుర్రాడి కోసం ఐదుగురు అమ్మాయిలు

నువ్విలా.. జీనియస్ వంటి చిత్రాలలో హీరోగా నటించిన కుర్రాడు హవీష్.. ఇప్పుడు కొత్త సినిమాను అనౌన్స్ చేశాడు. రెండేళ్లుగా ఒక్క సినిమాను కూడా ఈ హీరోకు మరో మంచి ఆఫర్ వచ్చింది. కొత్త దర్శకుడు శ్రీరాం చెప్పిన స్టోరీ లైన్ నచ్చడంతో వెంటనే ఈ సినిమాకు ఒప్పుకున్నట్లు చెబుతున్నట్లు హవీష్.

'శ్రీరాం నాకు ఓ డిఫరెంట్ సబ్జెక్ట్ చెప్పాడు. నాకు వెంటనే నచ్చేసింది. ఐదుగురు అమ్మాయిలతో హీరో ప్రయాణం సాగుతుంది' అని చెప్పాడు హవీష్. ఈ ఐదుగురిలో ఒకరిగా కబాలి చిత్రంలో రజినీకాంత్ కూతురుగా నటించిన ధన్సిక నటిస్తుండగా.. మిగిలిన నలుగురి కోసం ఎంపిక జరుగుతోంది. ఇప్పటివరకూ దర్శకుడిగా వరుస ప్రయత్నాలు చేసిన రమేష్ వర్మ.. హవీష్ కొత్త సినిమాతో నిర్మాతగా మారుతున్నాడు. ఒక ఊరిలో.. రైడ్.. వీర.. అబ్బాయితో అమ్మాయి వంటి సినిమాలకు రమేష్ వర్మ దర్శకత్వం చేశాడు.

ఇక తన కెరీర్ కు బ్రేక్ రావడానికి కూడా కారణం చెప్పాడు హవీష్. 'నేను ఓ బడా నిర్మాణ సంస్థ.. పెద్ద డైరెక్టర్ తో చేయాల్సి ఉంది. కానీ అన్ని పనులు పూర్తికాకపోవడంతో ఈ ప్రాజెక్ట్ వర్కవుట్ కాలేదు. ఈ సమయంలో నేను కాలేజ్ వర్క్ తో బిజీగా ఉన్నాను. అందుకే సినిమాలపై ఫోకస్ చేయలేకపోయాను' అని చెప్పాడు హవీష్.

Like Us on Facebook : https://www.facebook.com/Tupakidotcom/