సామ్ ముసలమ్మ అయితే.. రవితేజ ముసలయ్య!

ఇతర భాషా చిత్రాలను ప్రేరణగా తీసుకొని సినిమాల తెరకెక్కించడం టాలీవుడ్ లో ఎప్పటినుంచో ఉంది. మన సినిమాలలో చాలావాటి మూలాలు హాలీవుడ్ సినిమాలే కాకుండా కొరియన్ సినిమాల్లో కూడా ఉంటాయాని ప్రూఫులు కూడా చూపిస్తుంటారు కొందరు నెటిజనులు. అ ట్రెండ్ ఇంకా కంటిన్యూ అవుతుందా అన్నట్టుగా ప్రస్తుతం తెలుగు లో రెండు సినిమాలు ఒక కొరియన్ సినిమా ఆధారంగా తెరకెక్కుతున్నాయనే టాక్ వినిపిస్తోంది.

నందిని రెడ్డి దర్శకత్వంలో సమంతా 'బేబీ' అని అనే సినిమాలో నటిస్తోంది. ఈ సినిమా 'మిస్ గ్రానీ' అనే కొరియన్ సినిమాకు రీమేక్ అని కొందరు అంటున్నారు. అఫీషియల్ రీమేకా లేదా జస్ట్ ఇన్స్పిరేషనా అనే విషయంపై క్లారిటీ లేదు గానీ 'మిస్ గ్రానీ' లో లాగే ఈ సినిమాలో కూడా ఒక ముదుసలి మహిళ అందమైన యువతి శరీరంలో ఉండడం అనేది కాన్సెప్ట్. ఇదిలా ఉంటే రవితేజ-వీఐ ఆనంద్ కాంబినేషన్ లో తెరకెక్కనున 'డిస్కోరాజా' సినిమాలో రవితేజ ఒక ముసలివాడుగా కన్పిస్తాడట. ఆ ముసలి వ్యక్తి అదృశ్యమై కుర్రవాడిగా తిరిగొచ్చి శత్రువులపై ప్రతీకారం తీర్చుకోవడం ఈ సినిమా కాన్సెప్ట్ అని సమాచారం.

రెండూ సినిమాల్లో కామన్ పాయింట్ 'కుర్ర బాడీలో ముసలి మనిషి ఉండడం'. మిగతా స్టొరీ డ్రైవ్ వేరుగా ఉన్నప్పటికీ ఈ పాయింట్ మాత్రం మిస్ గ్రానీ నుండి తీసుకున్నదేనని అంటున్నారు. ఒకేసారి రెండు తెలుగు సినిమాలు ఒకే సినిమా ఆధారంగా తీసుకొని తెరకెక్కుతుండడం మాత్రం విశేషమే. ఈ సినిమాలు రిలీజ్ అయితే గానీ ఒరిజినల్ సినిమాకు ఈ సినిమాలకు ఎలాంటి పోలికలు ఉన్నాయో మనకు తెలిసే అవకాశం లేదు.