హన్సికకు బాగానే ముట్టచెబుతున్నారుగా!

అడపా దడపా తప్పితే టాలీవుడ్ లో కనిపించడం లేదు హన్సికా మొత్వాని. రెండేళ్ల క్రితం పవర్ లో రవితేజకు జోడీగా నటించిన తర్వాత.. మరో తెలుగు సినిమా ఒప్పుకోలేదు. ఇప్పుడు మంచు విష్ణుకు జోడీగా నటించబోతోంది ఈ దేశముదురు బ్యూటీ.

మంచు విష్ణు.. హన్సికలకు హిట్ పెయిర్ అనే టాక్ ఉంది. గతంలో దేనికైనా రెడీ.. పాండవులు పాండవులు తుమ్మెద చిత్రాల్లో నటించారు వీరిద్దరు. ఇప్పుడు లక్కున్నోడు చిత్రం కోసం హన్సికను హీరోయిన్ గా తీసుకున్నారు. ఈ మూవీలో నటించేందుకు హన్సికకు ఏకంగా కోటి రూపాయలు ముట్టచెప్పినట్లు తెలుస్తోంది. ఈ బ్యూటీకి తమిళ్ లో బోలెడంత ఇమేజ్.. క్రేజ్ ఉన్నాయ్ కానీ.. తెలుగులో అంత సీన్ లేదు. అయినా సరే కోటి రూపాయల మొత్తాన్ని ఛార్జ్ చేయడం ఆశ్చర్యాన్ని కలిగిస్తోంది.

రీసెంట్ గా లక్కున్నోడు ఫస్ట్ లుక్ రిలీజ్ చేయగా.. నోట్ల కట్టల మధ్యలో ఉన్న హీరో హీరోయిన్ల పోస్టర్ ఆకట్టుకుంటోంది. గీతాంజలి డైరెక్టర్ రాజ్ కిరణ్.. లక్కున్నోడు మూవీని డైరెక్ట్ చేయనుండగా.. ఎంవీవీ సినిమా బ్యానర్ పై రూపొందుతోంది. ఈ చిత్రాన్ని సూపర్ స్పీడ్ లో తీసేసి.. డిసెంబర్ 23న రిలీజ్ చేసేస్తారనే టాక్ ఉంది.

Like Us on Facebook : https://www.facebook.com/Tupakidotcom/