హంస అంత పని చేసేసిందే!!

ఐటెం గాళ్ కంటే.. ఇంకా కాస్త ఎక్కువ ఇమేజ్ నే సొంతం చేసుకుంది హంసా నందిని. మిర్చి మిర్చి అనే పాట వినిపించగానే.. ఈ భామే గుర్తుకొస్తుందంటే.. ఇలాంటి రోల్స్ విషయంలో హంస ఎంతగా పాతుకుపోయిందో అర్ధమవుతుంది. మరి ఈ సుందరాంగి గత నెలలో న్యూజిలాండ్ టూర్ వేసేసింది. సరిగ్గా వేలంటైన్స్ డే రోజున ఇలా ఫారిన్ టూర్ చెక్కేయడంతో చాలానే రూమర్స్ వచ్చాయి కానీ.. హంస మాత్రం కాస్త కూడా తొణకలేదు.

ఇప్పుడు న్యూజిలాండ్ లో తనేం చేశానో చెప్పేసింది హంసానందిని. చెప్పడమే కాదు.. అందుకు సంబంధించిన వీడియోను కూడా నెట్ లో పోస్ట్ చేసింది. అదేంటంటే.. ఓ బంగీ జంప్. వందల అడుగుల ఎత్తు నుంచి కాలికి తాళ్లు కట్టుకుని.. దూకేయడమే. మొదట హంసానందిని కాస్త భయపడింది కానీ.. తర్వాత ధైర్యం చేసి దూకేసింది. తర్వాత మాత్రం బాగానే ఎంజాయ్ చేసినట్లు వీడియో చూస్తే అర్ధమవుతుంది.

'న్యూజిలాండ్ లో ఈ బంగీ జంప్ చేశాను. ఇప్పుడు చాలా అనందంగా ఉంది కానీ, అప్పుడు మాత్రం గుండె ఆగిపోయినంత పనైంది. మీలో కూడా అడ్వంచర్ లు చేసే ఆలోచనలు ఉంటే.. ఇలాంటి సాహసం చేయండి' అంటూ ఓ ఉచిత సలహా కూడా ఇచ్చింది లెండి. అయితే.. సుకుమారంగా కనిపించే హంసానందినిలో.. ఇంత ధైర్యం ఉందా అనిపించేలా చేసింది ఈ వీడియో.