సెక్స్ కామెడీకి హీరోయిన్ దొరకట్లేదే

బాలీవుడ్ లో వచ్చిన సెక్స్ కామెడీ చిత్రం హంటర్ ను తెలుగులో రీమేక్ చేసేందుకు ఏర్పాట్లు జరిగిపోతున్నాయి. దర్శకుడిగా సున్నితమైన రొమాన్స్ ను తెరపై పండించేస్తున్న శ్రీనివాస్ అవసరాల.. హంటర్ రీమేక్ లో హీరోగా నటిస్తున్నాడు. ఇతనికి జోడీగా మొదట రెజీనా ఒప్పుకుంది కానీ.. తర్వాత తప్పుకుంది. ఆ తర్వాత హీరోయిన్ ని ఫైనల్ చేయడంలో ఇబ్బంది పడిపోవాల్సి వస్తోంది.

ఈ చిత్రంలో నటించాల్సిందిగా పలువురు భామలను అప్రోచ్ అయ్యారు మేకర్స్. మానస హిమవర్షను అడిగారు కానీ.. ఆమె నుంచి రియాక్షన్ రాలేదు. ఆ తర్వాత యాంకర్ నుంచి హీరోయిన్ గా మారుతున్న శ్రీముఖి.. అవసరాలతో జోడీ కట్టేందుకు సై అన్నా.. డేట్స్ ప్రాబ్లెం వచ్చేసింది. ఇప్పుడు హంటర్ ఒరిజినల్ లో నటించిన సాయి తహంకూర్ ని అడిగారని తెలుస్తోంది. అయితే.. ఈమె హంటర్ విషయంలో ఇంకా తుది నిర్ణయం తీసుకోలేదట.

ఈ ట్యాలెంటెడ్ మరాఠీ భామను తెలుగులోకి తెచ్చేందుకు దర్శకుడు నవీన్ మేడారం బాగానే ట్రే చేస్తున్నాడు కానీ.. సెక్స్ కామెడీ అనేసరికి హీరోయిన్స్ పారిపోతున్నారు. మరి అవసరాలతో రొమాన్స్ చేసే ఆ లక్కీ బ్యూటీ ఎవరో!!