గన్నులు సెంటిమెంట్‌ ఉంది చూశారూ!!

గన్స్‌ గట్స్‌ అండ్‌ లవ్‌.. సర్దార్‌ గబ్బర్‌ సింగ్ క్యాప్షన్‌ అదే. అంతే కాదు.. అదే థీమ్‌ మీద యావత్‌ సినిమా బేస్‌ అయ్యుంది. అయితే ఈ గన్నుల గురించి ఒకనాడు పూరి జగన్‌ పేల్చిన జోక్‌ గుర్తుందా? సినిమాలో బోలెడన్ని గన్నులు ఉన్నాయంటే చాలు.. పవన్‌ కళ్యాణ్‌ డేట్స్ ఇచ్చేస్తాడు అంటే చెప్పాడాయన. అయితే ఇదే నిజమేనేమో అనిపించకమానదు.

చూడండి.. పవన్‌ కళ్యాణ్‌ చాలా సినిమాల్లో మాంచి మాంచి గన్నులను ఎంచుకొని మరీ వాడేశాడు. కాకపోతే ఆయన గన్స్ మీద విపరీతంగా డిపెండ్‌ అయిన.. బాలు.. కొమరం పులి.. పంజా.. వంటి సినిమాలు మాత్రం దారుణంగా ఫ్లాపయ్యాయ్‌. ఏదో బద్రి వంటి సినిమాల్లో ఒక పాటలో గన్నుతో ఫోజులివ్వడం ఓకె కాని.. మరీ సినిమా అంతే అలాగే గన్నులతో కాలుస్తా అంటూ ఆడియన్స్‌ కు పెద్దగా కిక్కు రావట్లేదు కాబోలు. అందుకే ఇప్పుడు ఈ సెంటిమెంట్‌ సర్దార్‌ అభిమానులు కాస్త వణికిస్తోంది. చూస్తుంటే సర్దార్‌ సినిమాలో మొదటి సీన్‌ నుండి ఆఖరి సీన్‌ వరకు అన్నీ గన్సే ఉన్నాయి. అందుకే రిజల్టు ఏమవుతుందో అని సెంటిమెంట్లను నమ్మేవారు కాస్త కంగారుపడుతున్నారు.

సర్లేండి.. పవన్‌ ట్రెండ్‌ సెట్‌ చేస్తాడు.. ఫాలో అవ్వడు అనే విషయం తెలసిందే. సో.. ఇప్పుడు కూడా ఇలాంటి సెంటిమెంట్లు ఏవీ వర్కవుట్‌ కాకుండా.. తానే కొత్తగా రికార్డులు సృష్టించి ట్రెండ్‌ సెట్ చేస్తాడులే.