గణశేఖర్ అలా అనేశాడేంటి...

డైరక్టర్ గుణశేఖర్ అసలు రాజమౌళి కంటే ముందే పెద్ద పెద్ద విజువల్ ఎఫెక్ట్స్ సీన్లను మనకు పరిచయం చేశాడు. కాకపోతే రాజమౌళి తరహాలో వరుసగా మెలోడ్రామా అదిరిపోయే సినిమాలు తీయలేకపోవడంతో చతికిలపడ్డాడు. రాజమౌళి కంటే తక్కువ సినిమాలో రుద్రమదేవి సినిమాను రూపొందించాడు కాని.. ఎందుకో ఆ సినిమా కూడా అస్సలు కిక్ ఇవ్వలేకపోయింది.

అయితే ఇప్పుడు గుణశేఖర్ బాహుబలి 2 సినిమా చూసిన వెంటనే.. పబ్లిక్ గానే రాజమౌళిని పొగుడుతున్నాడు.. ''ఒక సింపుల్ స్టోరీ తీసుకుని ఇంత మెస్మరైజింగ్ గా భలే నెరేట్ చేశారు రాజమౌళి. హ్యాట్సాఫ్‌'' అంటూ కామెంట్ చేశాడు. సాదారణ సినిమా లవ్వర్లకు ఈ కామెంట్లు బాగానే అనిపించాయి కాని.. బాహుబలి ఫ్యాన్స్ కు మాత్రం.. మా సినిమా కథను సింపుల్ స్టోరీ అంటావా అంటూ ఎద్దేవా చేశారు. అసలు గుణశేఖర్ రాసిన 'నిప్పు' వంటి కథలను చూశాక కూడా మా కతను ఎలా కామెంట్ చేస్తాడు అంటూ వారు కామెంట్లు పాస్ చేస్తున్నారు.

ఏదేమైనా కూడా గుణశేఖర్ కామెంట్లను పాజిటివ్ గా తీసుకోవాలి తప్పిస్తే.. అందులో నెగెటివ్ తీసుకోవడానికి ఏమీ లేదు. నిజంగానే బాహుబలి 1 అండ్ 2 లో పెద్దగా కథ అనేది ఏం లేదు. అందరికీ తెలిసిన కథే ఉంది. కాబట్టి అది ఒక సింపుల్ స్టోరి అంటే నష్టం ఏమొచ్చింది.

Like Us on Facebook : https://www.facebook.com/Tupakidotcom/